شىمكەنت قالاسى جۇمىسپەن قامتۋ جانە الەۋمەتتىك قورعاۋ باسقارماسى تاراپىنان مۇمكىندىگى شەكتەۋلى ازاماتتاردى الەۋمەتتىك جاعىنان قولداۋ ماقساتىندا، اعىمداعى جىلدىڭ 1 شىلدەسىندە «Ten qogam» الەۋمەتتىك كەڭەس بەرۋ سەكتورى اشىلعان بولاتىن. سەكتوردىڭ مىندەتتەرى الەۋمەتتىك قىزمەتتەر پورتالىن قولدانۋدا كومەك بەرۋ، مۇمكىندىگى شەكتەۋلى جانداردى جۇمىسقا قابىلداۋ بويىنشا كەڭەستەر بەرۋ، جەكەلەي سۇيەمەلدەۋ، پسيحولوگتىڭ كومەگى جانە ت.ب. قىزمەتتەر كىرەدى.
قىسقاشا ۋاقىت ارالىعىندا جالپى 2 274 مۇمكىندىگى شەكتەۋلى ازاماتقا ءتۇرلى قىزمەت كورسەتىلدى. ونىڭ ىشىندە، ساناتورلىق - كۋرورتتىق ەمدەلۋگە جولداما الۋعا ءوتىنىش تاستاعاندار سانى 1300-دەن استام. سونىمەن قاتار، ەڭبەككە قابىلەتتى مۇگەدەك ازاماتتاردىڭ «ەڭبەك» مەملەكەتتىك باعدارلاماسى اياسىندا جۇمىسپەن قامتۋ ماسەلەلەرى دە جۇزەگە اسىرىلۋدا.
اتالعان باعدارلامامەن تانىسىپ جۇمىسقا ورنالاسقان ازاماتتاردىڭ ءبىرى – تولقىناي نۇرلىحانقىزى. 22 جاستاعى تولقىناي 1 - توپ مۇگەدەگى. ول اعىمداعى جىلى پوليتەحنيكالىق كوللەدجىنىڭ «جۇيەلىك اكىمشى» ماماندىعى بويىنشا ءبىلىم العان. جاس مامان وقۋ بىتىرگەن سوڭ «تen qogam» سەكتورىنا كەلىپ، مۇمكىندىگى شەكتەۋلى ازاماتتاردىڭ جۇمىسقا ورنالاسۋى بويىنشا كەڭەس الۋعا كەلگەن. كەيىننەن ماماندار «جاستار پراكتيكاسى» باعدارلاماسى اياسىندا جۇمىس ۇسىنعان سوڭ، ناتيجەسىندە 2021 جىلدىڭ تامىز ايىندا جولاۋشىلار كولىگى جانە اۆتوموبيل جولدارى باسقارماسىنىڭ «ديسپەتچەرلىك قىزمەت» ورتالىعى كمم-نە ءوز ماماندىعى بويىنشا 6 اي مەرزىمگە جۇمىسقا جولداندى.
ايتا كەتەرلىگى، ەرەكشە قورعالعان ازاماتتار ۇيدەن شىقپاي-اق ەلەكتروندىق قولتاڭبامەن الەۋمەت ەگوۆ كز ارقىلى الەۋمەتتىك قىزمەتتەردى الۋعا مۇمكىندىگى بار. الەۋمەتتىك قىزمەتتەر پورتالىنىڭ ەرەكشەلىگى – مۇگەدەكتىگى بار ازاماتتار ولارعا قاجەتتى وڭالتۋ قۇرالدار مەن قىزمەتتەرىن ساپالى جانە دەلدالسىز ەركىن تاڭداۋعا جانە 15 كۇندە ۇيگە جەتكىزۋگە تولىق مۇكىندىك الادى. ەگەر ازاماتتار تەحنيكالىق وڭالتۋ قۇرالىنىڭ قىمبات ءتۇرىن تاڭداعان جاعدايدا، ۇستىندەگى اقشاسىن ءوزى تولەپ الۋىنا بولادى.
