«Ten qogam» áleýmettik keńes berý sektorynyń múmkindigi shekteýli jandarǵa kómegi mol

945
Adyrna.kz Telegram

Shymkent qalasy Jumyspen qamtý jáne áleýmettik qorǵaý basqarmasy tarapynan múmkindigi shekteýli azamattardy áleýmettik jaǵynan qoldaý maqsatynda, aǵymdaǵy jyldyń 1 shildesinde «Ten qogam» áleýmettik keńes berý sektory ashylǵan bolatyn. Sektordyń mindetteri áleýmettik qyzmetter portalyn qoldanýda kómek berý, múmkindigi shekteýli jandardy jumysqa qabyldaý boıynsha keńester berý, jekeleı súıemeldeý, psıhologtyń kómegi jáne t.b. qyzmetter kiredi.

Qysqasha ýaqyt aralyǵynda jalpy 2 274 múmkindigi shekteýli azamatqa túrli qyzmet kórsetildi. Onyń ishinde, sanatorlyq - kýrorttyq emdelýge joldama alýǵa ótinish tastaǵandar sany 1300-den astam. Sonymen qatar, eńbekke qabiletti múgedek azamattardyń «Eńbek» memlekettik baǵdarlamasy aıasynda jumyspen qamtý máseleleri de júzege asyrylýda.

Atalǵan baǵdarlamamen tanysyp jumysqa ornalasqan azamattardyń biri – Tolqynaı Nurlyhanqyzy. 22 jastaǵy Tolqynaı 1 - top múgedegi. Ol aǵymdaǵy jyly Polıtehnıkalyq kolledjiniń «Júıelik ákimshi» mamandyǵy boıynsha bilim alǵan. Jas maman oqý bitirgen soń «Ten qogam» sektoryna kelip, múmkindigi shekteýli azamattardyń jumysqa ornalasýy boıynsha keńes alýǵa kelgen. Keıinnen mamandar «Jastar praktıkasy» baǵdarlamasy aıasynda jumys usynǵan soń, nátıjesinde 2021 jyldyń tamyz aıynda Jolaýshylar kóligi jáne Avtomobıl joldary basqarmasynyń «Dıspetcherlik qyzmet» ortalyǵy KMM-ne óz mamandyǵy boıynsha 6 aı merzimge jumysqa joldandy.

Aıta keterligi, erekshe qorǵalǵan azamattar úıden shyqpaı-aq elektrondyq qoltańbamen áleýmet egov kz arqyly áleýmettik qyzmetterdi alýǵa múmkindigi bar. Áleýmettik qyzmetter portalynyń ereksheligi – múgedektigi bar azamattar olarǵa qajetti ońaltý quraldar men qyzmetterin sapaly jáne deldalsyz erkin tańdaýǵa jáne 15 kúnde úıge jetkizýge tolyq múkindik alady. Eger azamattar tehnıkalyq ońaltý quralynyń qymbat túrin tańdaǵan jaǵdaıda, ústindegi aqshasyn ózi tólep alýyna bolady.

Pikirler