مەملەكەت باسشىسىنىڭ تاپسىرماسىنا سايكەس، شىمكەنت قالاسىندا «SHANYRAQ» وتباسى ينستيتۋتىن قولداۋ ورتالىعى 2020 جىلدىڭ 12 قىركۇيەك كۇنى اشىلعان بولاتىن. سودان بەرى ورتالىق از قامتىلعان، كوپبالالى وتباسىلارعا جان-جاقتى قولداۋ كورسەتۋ باعىتىندا جۇمىس جۇرگىزەدى.
اتاپ ايتقاندا، پسيحولوگيالىق قولداۋ كورسەتۋ، قۇقىقتىق جاردەم، ۇكىمەتتىك ەمەس ۇيىمدارمەن، مەدياتسيامەن بىرلەسكەن جۇمىس، ءوز كاسىبىن يگەرۋگە ىقپال ەتۋ، بالالارعا پسيحولوگيالىق قولداۋ كورسەتۋ، جۇمىسپەن قامتۋعا جاردەم، دەنساۋلىق ماسەلەلەرى جانە انالار مەن بالالارعا ارنالعان ارنايى كۋرستار بويىنشا جۇيەلى ءىس-شارالار وتكىزىلۋدە.
جاقىندا، 23 ماۋسىم كۇنى ىنتىماقتاستىقتى جۇزەگە اسىرۋ ماقساتىندا ورتالىقتا «ءنۇرسات» ونەر مەكتەبىمەن بىرلەسكەن مەموراندۋم ءتۇزىلدى. مەموراندۋم ماقساتى – مەملەكەت پەن ۇەۇ اراسىندا ءتيىمدى جۇمىس ىستەيتىن ديالوگ الاڭىن ۇيىمداستىرۋ، الەۋمەتتىك سالاداعى ەڭ وزەكتى ماسەلەلەردى بىرلەسە شەشۋ ارقىلى شىمكەنت قالاسىندا كوپبالالى، مۇقتاج وتباسىلارعا جان-جاقتى كومەك كورسەتۋ بويىنشا ءىس-قيمىلداردى جۇزەگە اسىرۋ.
اتالعان مەموراندۋم اياسىندا «Shanyraq» ورتالىعىنا تىركەلگەن وتباسى بالالارىنا تەگىن جولدامالار ۇسىنىلىپ، جۇمىستار جۇرگىزىلۋدە. كوپبالالى وتباسىلاردىڭ 40-تان استام بالالارى «ءنۇرسات» ونەر مەكتەبىندەگى ۇيىرمەلەرگە تەگىن قاتىسۋدا. ولار حورەوگرافيا، قولونەر، كوركەمسۋرەت، كيىم ديزاينى جانە ت.ب. ۇيىرمە تۇرلەرىنە قاتىسىپ، ۋاقىتتارىن پايدالى وتكىزۋدە. سونىمەن بىرگە «SHANYRAQ» ورتالىعىندا كۇن سايىن ءتۇرلى كەزدەسۋلەر، بيزنەس-ترەنينگ، پسيحولوگيالىق سەمينار جانە تەگىن كۋرستار وتكىزىلەدى.
