Memleket basshysynyń tapsyrmasyna sáıkes, Shymkent qalasynda «SHANYRAQ» Otbasy ınstıtýtyn qoldaý ortalyǵy 2020 jyldyń 12 qyrkúıek kúni ashylǵan bolatyn. Sodan beri ortalyq az qamtylǵan, kópbalaly otbasylarǵa jan-jaqty qoldaý kórsetý baǵytynda jumys júrgizedi.
Atap aıtqanda, psıhologııalyq qoldaý kórsetý, quqyqtyq járdem, úkimettik emes uıymdarmen, medıaııamen birlesken jumys, óz kásibin ıgerýge yqpal etý, balalarǵa psıhologııalyq qoldaý kórsetý, jumyspen qamtýǵa járdem, densaýlyq máseleleri jáne analar men balalarǵa arnalǵan arnaıy kýrstar boıynsha júıeli is-sharalar ótkizilýde.
Jaqynda, 23 maýsym kúni yntymaqtastyqty júzege asyrý maqsatynda ortalyqta «Nursát» óner mektebimen birlesken memorandým túzildi. Memorandým maqsaty – memleket pen ÚEU arasynda tıimdi jumys isteıtin dıalog alańyn uıymdastyrý, áleýmettik saladaǵy eń ózekti máselelerdi birlese sheshý arqyly Shymkent qalasynda kópbalaly, muqtaj otbasylarǵa jan-jaqty kómek kórsetý boıynsha is-qımyldardy júzege asyrý.
Atalǵan memorandým aıasynda «Shanyraq» ortalyǵyna tirkelgen otbasy balalaryna tegin joldamalar usynylyp, jumystar júrgizilýde. Kópbalaly otbasylardyń 40-tan astam balalary «Nursát» óner mektebindegi úıirmelerge tegin qatysýda. Olar horeografııa, qolóner, kórkemsýret, kıim dızaıny jáne t.b. úıirme túrlerine qatysyp, ýaqyttaryn paıdaly ótkizýde. Sonymen birge «SHANYRAQ» ortalyǵynda kún saıyn túrli kezdesýler, bıznes-trenıng, psıhologııalyq semınar jáne tegin kýrstar ótkiziledi.
