وزبەكستاندا قۋدالاۋ مەن زورلىق-زومبىلىق قۇرباندارى تەگىن تەكسەرىلىپ، ەمدەلەتىن بولدى دەپ حابارلايدى "ادىرنا" ۇلتتىق پورتالى.
بۇل قيىن الەۋمەتتىك جاعدايداعى ايەلدەر قۇقىقتارىنىڭ كەپىلدىكتەرىن قامتاماسىز ەتۋ بويىنشا قوسىمشا شارالاردىڭ قابىلدانۋىنا بايلانىستى وزبەكستان رەسپۋبليكاسىنىڭ كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى زاڭدا كوزدەلگەن.
وزبەكستاننىڭ ادىلەت باسقارماسىنىڭ مالىمەتىنشە، قۇجات اعىمداعى جىلدىڭ 10 جەلتوقسانىندا كۇشىنە ەندى.
"ايەلدەردى قۋدالاۋ مەن زورلىق-زومبىلىقتان قورعاۋ تۋرالى" زاڭعا تۇزەتۋ ەنگىزىلدى، ول ەڭبەك ورگاندارىنا وتباسىلىق ماسەلەلەرگە جانە زورلىق-زومبىلىققا تاپ بولعان ايەلدەردى جۇمىسقا ورنالاستىرۋعا جانە كاسىپتىك باعدارلاۋعا جاردەمدەسۋدى مىندەتتەيدى.
"ازاماتتاردىڭ ءوزىن-ءوزى باسقارۋ ورگاندارى تۋرالى" زاڭ ماحاللا كوميتەتتەرىنىڭ ايەلدەر مەن بالالاردى قۋدالاۋ مەن زورلىق-زومبىلىققا ۇشىراتقان نەمەسە مۇنداي ارەكەتتەرگە بەيىم ادامداردى انىقتاۋعا قاتىسۋى جانە ولارمەن پروفيلاكتيكالىق جۇمىس جۇرگىزۋى تۋرالى تالاپپەن تولىقتىرىلدى.
ازاماتتار جيىنىنىڭ توراعاسىنا ايەلدەر قۇرباندارىن قورعاۋ شارالارىن بەلگىلەۋ جانە قۋدالاۋ مەن زورلىق-زومبىلىق فاكتىلەرى تۋرالى ءتيىستى ايەلدەردى وڭالتۋ جانە بەيىمدەۋ ورتالىقتارى مەن ىشكى ىستەر ورگاندارىنا دەرەۋ حابارلاۋ وكىلەتتىگى بەرىلدى.
2018 جىلعا دەيىن وزبەكستاننىڭ قىلمىستىق جانە اكىمشىلىك كودەكستەرىندە "تۇرمىستىق زورلىق-زومبىلىق" تەرمينى بولماعان. سوڭعى ءۇش جىلدا ەلدە سەگىز نورماتيۆتىك قۇقىقتىق اكت، ونىڭ ىشىندە تۇرمىستىق زورلىق-زومبىلىقتىڭ الدىن الۋ جۇيەسىن جەتىلدىرۋ ماقساتىندا ەكى زاڭ قابىلداندى.
"ماحاللالاردى جانە وتباسىن قولداۋ مينيسترلىگى" جانىنان رەسپۋبليكالىق بيۋدجەتتەن قارجىلاندىرىلاتىن 29 وڭالتۋ جانە بەيىمدەۋ ورتالىعى قۇرىلعان.
"ادىرنا" ۇلتتىق پورتالى.
