Ózbekstanda zorlyq-zombylyq qurbandary tegin emdeledi

2073
Adyrna.kz Telegram

Ózbekstanda qýdalaý men zorlyq-zombylyq qurbandary tegin tekserilip, emdeletin boldy dep habarlaıdy "Adyrna" ulttyq portaly.

Bul qıyn áleýmettik jaǵdaıdaǵy áıelder quqyqtarynyń kepildikterin qamtamasyz etý boıynsha qosymsha sharalardyń qabyldanýyna baılanysty Ózbekstan Respýblıkasynyń keıbir zańnamalyq aktilerine ózgerister men tolyqtyrýlar engizý týraly zańda kózdelgen.

Ózbekstannyń ádilet basqarmasynyń málimetinshe, qujat aǵymdaǵy jyldyń 10 jeltoqsanynda kúshine endi.

"Áıelderdi qýdalaý men zorlyq-zombylyqtan qorǵaý týraly" zańǵa túzetý engizildi, ol eńbek organdaryna otbasylyq máselelerge jáne zorlyq-zombylyqqa tap bolǵan áıelderdi jumysqa ornalastyrýǵa jáne kásiptik baǵdarlaýǵa járdemdesýdi mindetteıdi.

"Azamattardyń ózin-ózi basqarý organdary týraly" Zań mahalla komıtetteriniń áıelder men balalardy qýdalaý men zorlyq-zombylyqqa ushyratqan nemese mundaı áreketterge beıim adamdardy anyqtaýǵa qatysýy jáne olarmen profılaktıkalyq jumys júrgizýi týraly talappen tolyqtyryldy.

Azamattar jıynynyń tóraǵasyna áıelder qurbandaryn qorǵaý sharalaryn belgileý jáne qýdalaý men zorlyq-zombylyq faktileri týraly tıisti áıelderdi ońaltý jáne beıimdeý ortalyqtary men ishki ister organdaryna dereý habarlaý ókilettigi berildi.

2018 jylǵa deıin Ózbekstannyń Qylmystyq jáne Ákimshilik kodeksterinde "turmystyq zorlyq-zombylyq" termıni bolmaǵan. Sońǵy úsh jylda elde segiz normatıvtik quqyqtyq akt, onyń ishinde turmystyq zorlyq-zombylyqtyń aldyn alý júıesin jetildirý maqsatynda eki zań qabyldandy.

"Mahallalardy jáne otbasyn qoldaý mınıstrligi" janynan respýblıkalyq bıýdjetten qarjylandyrylatyn 29 ońaltý jáne beıimdeý ortalyǵy qurylǵan.

 

 

"Adyrna" ulttyq portaly.

Pikirler