الماتى مەملەكەتتىك قۋىرشاق تەاترى كورنەكتى جازۋشى، قوعام جانە مەملەكەت قايراتكەرى شىڭعىس تورەقۇلۇلى ايتماتوۆتىڭ 90 جىلدىق مەرەيتويىنا وراي، اعىمداعى جىلدىڭ اقپان ايىنىڭ 27-28, ناۋرىز ايىنىڭ 1-2 كۇندەرى ارالىعىندا ساعات 17:00-دە «قۇس جولى» پوۆەسىنىڭ جەلىسى بويىنشا ساحنالانعان «انا-جەر انا» تراگەدياسىنىڭ پرەمەراسىن كورەرمەن نازارىنا ۇسىنباق.
قويىلىم رەجيسسەرى – دينا جۇماباەۆا.
ولار سۇم سوعىستىڭ جولىندا جاستىق شاقتارىن، اسقاق ارماندارىن، تۋلاعان قىزۋى مەن بالاۋسا اجارىن بەردى. قۇلاعان قايىڭ قايتا كوكتەپ، تاپتالعان ەگىن قايتا جايقالىپ جەر جازاسى جازىلسا دا، سول جولدا قۇربان بولعاندار قايتىپ كەلمەدى...
الماتىدا بەلگىلى قۋىرشاق تەاترى تراگەديانى ساحنالاماقشى (فوتو)
ەل باسىنا تۇسكەن اۋىرتپالىقتى ءبىر وتباسىنىڭ تاعدىرىمەن سۋرەتتەگەن زاڭعار جازۋشى شىڭعىس ايتماتوۆتىڭ «انا-جەر انا» تراگەدياسىنىڭ كەيىپكەرلەرى العاش رەت قۋىرشاق بەينەسىندە الماتى مەملەكەتتىك قۋىرشاق تەاترىنىڭ ساxناسىندا كورەرمەنگە جول تارتىپ، ءۇن قاتپاق.
الماتىدا بەلگىلى قۋىرشاق تەاترى تراگەديانى ساحنالاماقشى (فوتو)
انا – ماڭگىلىك سيمۆولى! ءتورت بىردەي ازاماتىن جەر انانىڭ قويناۋىنا تاپسىرعان تولعاناي بەينەسى قويىلىم بارىسىندا كورەرمەندى توزىمدىلىككە، سابىرلىق پەن قايسارلىققا شاقىرادى.
الماتىدا بەلگىلى قۋىرشاق تەاترى تراگەديانى ساحنالاماقشى (فوتو)
ادامزاتتىڭ ايتماتوۆىنا اينالعان شىڭعىس تورەقۇلۇلىنىڭ «انا-جەر انا» تراگەدياسى ەلىمىزدىڭ بىرنەشە درامالىق تەاترلارىندا ساحنالانىپ، ايگىلى ءازىربايجان مامبەتوۆتىڭ رەجيسسەرلىك قولتاڭباسىنداعى نۇسقاسى مەملەكەتتىك سىيلىققا يە بولعانى بارشامىزعا ءمالىم.
الماتىدا بەلگىلى قۋىرشاق تەاترى تراگەديانى ساحنالاماقشى (فوتو)
بۇگىندە ارادا قانشا جىل وتسە دە، وزەكتىلىگىن جوعالتپاعان كلاسسيكالىق شىعارماعا دارىندى رەجيسسەر دينا جۇماباەۆا ەكىنشى تىنىس سىيلاپ، جاڭاشا فورماتتا رەجيسسەرلىك، اكتەرلىك شەشىمىن تابا وتارىپ، جازۋشىنىڭ سۋرەتكەرلىك قىرىن ونەر سۇيەر جانعا وزگەشە تۇرعىدان سيپاتتاماق.
سان عاسىر بۇرىن بولعان تاريحي وقيعانى بۇگىنگى ۇرپاقتىڭ جانىنا جەتكىزۋ، كوز الدىنا كەلتىرۋ – ۇلكەن ونەر. ءوز ۇلتىنىڭ مادەنيەتىن، ادەبيەتىن، تاريحىن جان-تانىمەن ۇققان ۇرپاق قانا وزگە حالىقتىن سالت-ءداستۇرىن، ءتىلىن، ادەت-عۇرپىن ەرەكشە ىلتيپاتپەن قابىلدايتىنى زاڭدى قۇبىلىس.
الماتىدا بەلگىلى قۋىرشاق تەاترى تراگەديانى ساحنالاماقشى (فوتو)
تەاتر ۇجىمى قادىرلى ونەر سۇيەر جاندى، تەاتر ونەرىنە دەگەن سۇيىسپەنشىلىگى زور، تالعامى جوعارى كورەرمەندى جانىنا رۋحاني ازىق سىيلاپ، كوڭىل پەردەسىن ادەمى كۇيگە بولەۋ ءۇشىن اتالمىش پرەمەرانى تاماشالاۋعا شاقىرادى!
kaz.nur.kz
