وسى جىلدىڭ 15 – قىركۇيەگىنەن 15 - قاراشاعا دەيىن رەسپۋبليكامىزدا جىل سايىنعى ەمحاناعا تىركەلۋ ناۋقانى وتكىزىلدى. ونىڭ اياسىندا ءاربىر قازاقستاندىق جانە ەل اۋماعىندا تۇراتىن شەتەلدىك ازاماتتار ەمحانانى ءوز بەتىنشە تاڭداۋ قۇقىعىن پايدالاندى.
شىمكەنت قالالىق ەلەكتروندىق دەنساۋلىق ساقتاۋ ورتالىعىنىڭ مالىمەتتەرىنە سايكەس، ەمحانانى ەركىن تاڭداۋ بارىسىندا 1 120 324 تۇلعا 44 ەمحاناعا تىركەلگەن.
بەكىتۋ ناۋقانى كەزىندە مساك ۇيىمىنا بەكىتىلگەن تۇلعالار قورمەن قىزمەتتەردى ساتىپ الۋ شارتىن جاساعان سوڭ كەلەسى جىلعى 1 قاڭتاردان باستاپ مەديتسينالىق-سانيتاريالىق العاشقى كومەك الادى. ال ەركىن تاڭداۋ قۇقىعىن پايدالانباعان ادام بۇرىن قىزمەت كورسەتىلگەن مساك ۇيىمىنا بەكىتىلگەن بولىپ قالادى.
سونىمەن قاتار، قالا، اۋىل تۇرعىندارى مەديتسينالىق قىزمەتتەردى قاشىقتىقتان الا الادى. قاشىقتىقتان الاتىن مەديتسينالىق قىزمەت تۇرلەرى:
• دارىگەرگە دەيىنگى مەديتسينالىق كومەك;
• العاشقى مەديتسينالىق-سانيتاريالىق كومەك;
• مامانداندىرىلعان مەديتسينالىق كومەك;
• مەديتسينالىق وڭالتۋ;
• پاللياتيۆتىك مەديتسينالىق كومەك.
ايتا كەتەيىك، ەگەر ءسىزدىڭ مەديتسينالىق قىزمەتتەردى قاشىقتىقتان الۋعا قاتىستى سۇراقتارىڭىز بولسا، وندا ءسىز ولاردى ۋچاسكەلىك دارىگەرگە نەمەسە ءوز ەمحاناڭىزداعى پاتسيەنتتەردى قولداۋ قىزمەتىنە قويا الاسىز. قاجەتتى اقپاراتتى الماعان جاعدايدا الەۋمەتتىك مەديتسينالىق ساقتاندىرۋ قورىنا رەسمي سايت «fms.kz»، بايلانىس ورتالىعى «1406»، Telegram, «Qoldau 24/7» جانە «SaqtandyryBot» ءموبيلدى قوسىمشاسى ارقىلى ءوتىنىش بەرۋگە بولادى.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
