ەلىمىزدىڭ تالانتتى بوكسشىسى، بوكستان توكيو وليمپياداسىنىڭ كۇمىس جۇلدەگەرى، الەم چەمپيونى ساكەن بيبوسىنوۆ وتاۋ قۇردى، دەپ حابارلايدى "ادىرنا" ۇلتتىق پورتالى "قازاقپاراتقا" سىلتەمە جاساپ.
تۇركىستاندىق تالانتتى بوكسشىنىڭ تاڭداۋى نازيرا ەسىمدى سۇلۋعا ءتۇسىپتى. ول - ورداباسى اۋدانىنا قاراستى امانكەلدى اۋىلىنىڭ تۋماسى.
"قالىڭدىعىمدى كەشە ۇزاتىپ الىپ كەلدىم. الدا توي بولادى، سوعان دايىندالىپ جاتىرمىز. جۇبايىم سپورتشىنىڭ جاعدايىن تۇسىنەتىن جار بولاتىندىعىنا سەنىمدىمىن. تىلەۋلەس اعالارىمىزعا، اعايىندارعا راحمەت ايتامىن",-دەيدى ساكەن بيبوسىنوۆ.
ايتا كەتەيىك، ساكەن بيبوسىنوۆ — توكيودا وتكەن وليمپيادا ويىندارىنىڭ قولا جۇلدەگەرى، سەربيانىڭ بەلگراد قالاسىندا وتكەن الەم چەمپيوناتىنىڭ التىن مەدال يەگەرى.
"ادىرنا" ۇلتتىق پورتالى.
