ەل تاۋەلسىزدىگىنە 30 جىل تولۋىنا وراي، ءال-فارابي اۋدانىندا 4 انا «التىن القا» جانە 11 جاس انا «كۇمىس» القا يەگەرى اتاندى. التىن قۇرساقتى انالارعا ءتيىستى توسبەلگىلەردى اۋدان اكىمى راشيد مىڭباەۆ تابىستادى.
- اۋداندا جالپى 5374 كوپبالالى انا بار. باتىر انالارىمىزدىڭ 439-ى «التىن»، 1300-ءى «كۇمىس القا» يەگەرلەرى. جىل باسىنان اتالعان ناگراداعا 95 كوپبالالى انانىڭ قۇجاتى ۇسىنىلعان بولاتىن. اعىمداعى جىلدىڭ شىلدە ايىندا 18 اق جاۋلىقتى انانى «التىن»، ال 70 انانى «كۇمىس» القالارمەن ماراپاتتادىق. مىنە، بۇگىن تاعى 4 «التىن»، 11 «كۇمىس» القالاردى تابىس ەتكەلى وتىرمىز. حالقىمىزدىڭ دەموگرافيالىق الەۋەتىن ارتتىرۋعا قوسقان ۇلەستەرىڭىز ءۇشىن العىسىمدى بىلدىرەمىز. ەلىمىزدىڭ التىن دىڭگەگى بولىپ، ىزگى داستۇرلەر ساباقتاستىعىن جالعاپ جۇرە بەرىڭىزدەر، - دەدى راشيد مامىتۇلى.
ايتا كەتەيىك، «التىن القا» ناگراداسى جىل سايىن جەتى جانە ودان كوپ بالالى اناعا، ال «كۇمىس القا» التى بالاسى بار ايەلدەرگە بەرىلەدى.
