ارلان توقتاحمەت، ءاديا مايدان جانە اقسۇلتان توقتارقانوۆ جەتىسۋدىڭ ەرەكشە جەرلەرىن زەرتتەپ، «جەتىسۋ ءىنجۋ-مارجاندارى» اتتى ۆيرتۋالدى ساياحات باعدارلاماسىن ويلاپ تاپتى.
قاشىقتىقتان تيان-شان تاۋلارىنا شىعۋ نەمەسە شارىن شاتقالىن تاماشالاۋ - جوبانىڭ باستى ەرەكشەلىگى. جوبانى زياتكەر وقۋشىلار «Scratch» پلاتفورماسىندا جاسادى.
ءبىزدىڭ ەكسكۋرسيالارىمىز جەتىسۋ ءوڭىرىنىڭ ەڭ كورىكتى جەرلەرىن كورسەتۋگە مۇمكىندىك بەرەدى. كەز كەلگەن ادامعا تاريحتى، گەوگرافيانى، ەكولوگيانى قاشىقتىقتان زەرتتەۋىنە ۇلكەن بونۋس بولىپ تابىلادى»، - دەيدى جوبا اۆتورلارىنىڭ ءبىرى ارلان توقتاحمەت.
سونىمەن قاتار وقۋشىلار تۇراقتى جانە دۇرىس ۇيىمداستىرىلعان تۋريزم قورشاعان ورتا مەن مادەني ورتانى ساقتاۋعا ۇلكەن ۇلەس قوسا الاتىنىنا سەنىمدى.
سوڭعى 50 جىلدا ءتۋريزمنىڭ دامۋىنىڭ ارقاسىندا الەمدە ەرەكشە قورعالاتىن تابيعي اۋماقتار سانى رەتىمەن ءوستى. ياعني، ۆيرتۋالدى تۋر مەملەكەتتىڭ، ءار اۋماقتىڭ ءيميدجدىڭ ەلەمەنتى بولا الادى.
رەسپۋبليكالىق «ProEco» بايقاۋىندا تالدىقورعاندىق زياتكەر وقۋشىلار «جەتىسۋ ءىنجۋ-مارجاندارى» جوباسىمەن 1 ورىندى جەڭىپ الدى.
