استانا. قازاقپارات - الاش قايراتكەرلەرىنىڭ تاعدىرىن ارقاۋ ەتكەن «تار زامان» تەلەحيكاياسى 26 ناۋرىزدان باستاپ «Qazaqstan» ۇلتتىق ارناسىندا كورسەتىلەتىن بولدى. بۇل تۋرالى «قازاقستان» رترك» اق باسقارما توراعاسى ەرلان قارين ايتتى، دەپ حابارلايدى «قازاقپارات» حاا ءتىلشىسى.
«ەڭ باستى ۇلكەن پرەمەرامىز - «تار زامان» اتتى تەلەحيكايامىز. ول 14 ەپيزودتان تۇرادى. بۇگىنگى كۇنى اتالمىش تەلەحيكايانىڭ ىقشامدالعان نۇسقاسى فيلم رەتىندە كينوتەاترلاردان كورسەتىلىپ جاتىر.
وسىعان بايلانىستى ارىپتەستەرىم الەۋمەتتىك جەلىدە «نەلىكتەن كەڭىرەك كورسەتپەدىڭىزدەر؟» دەگەن سۇراقتار قويىپ جاتىر. بىراق، تەلەسەريال مەن فيلم اراسىندا ۇلكەن ايىرماشىلىق بار. ءبىز بۇنى ءاۋ باستا تەلەسەريال رەتىندە دايىنداعان ەدىك. الايدا اۋديتوريانىڭ قىزىعۋشىلىعىن وياتۋ ماقساتىندا فيلم رەتىندە ىقشامداپ، بىرنەشە كينوتەاترلارمەن كەلىسە وتىرىپ، تەلەحيكايا بىرقاتار قالالاردا كورسەتىلىپ جاتىر»، - دەدى ە.قارين.
ونىڭ ايتۋىنشا، اتالمىش تەلەحيكايا وتە قىزىقتى درامالى بولماق. «تار زامان» ءبىزدىڭ ەفيرگە ناۋرىزدىڭ 26-نان باستاپ كورسەتىلەتىن بولادى. ونىڭ كەيىپكەرلەرى - ءبىر عاسىر بۇرىن ازاتتىق ءۇشىن كۇرەسكەن الاشوردا قوزعالىسىنىڭ كوسەمى مەن مۇشەلەرى. بۇل سەريالدا جالپى 37 تاريحي كەيىپكەر بەينەلەنگەن. اۋقىمدى سەريال بولعالى تۇر. ءبىزدىڭ ويىمىزشا، بۇل تەلەحيكايا جاستار اۋديتورياسىنىڭ ىشىندە الاشتى كەڭىرەك ناسيحاتتاۋعا مۇمكىندىك اشادى دەپ ويلايمىز»، - دەپ ءتۇيدى تەلەارنا باسشىسى.
باستى فوتو: www.kinopark.kz
بارلىق قۇقىقتار قورعالعان. inform.kz بەلسەندى سىلتەمەنى پايدالانىڭىز http://www.inform.kz/kz/tar-zaman-telehikayasy-ulttyk-arnada-nauryz-ayynda-korsetile-bastaydy_a3166812
