ۇلتتىق بانك توراعاسى ەربولات دوساەۆ تەڭگە نەگە السىرەگەنىن ءتۇسىندىردى، - دەپ حابارلايدى “ادىرنا” ۇلتتىق پورتاليا Tengrinews.kz سايتىنا سىلتەمە جاساپ.
ونىڭ ايتۋىنشا، قاراشادا ىرگەلى فاكتورلاردىڭ ناشارلاۋى تەڭگەنىڭ ءبىر دوللار ءۇشىن 1,7 پايىزعا 434,2 تەڭگەگە دەيىن السىرەۋىنە سەبەپ بولدى.
"2021 جىلعى 8 جەلتوقسانداعى جاعداي بويىنشا، تەڭگە باعامى ءبىر دوللار ءۇشىن 434,46 تەڭگە بولدى. ۇلتتىق قوردىڭ قاراجاتىن بيۋدجەتكە ترانسفەرتتەردى ءبولۋ ءۇشىن ايىرباستاۋ وپەراتسيالارى جانە سومانى ساتۋ ۇلتتىق ۆاليۋتاعا قولداۋ كورسەتتى. سونىمەن قاتار، ەكسپورتتاۋشىلاردىڭ تەڭگە وتىمدىلىگىنىڭ جەتكىلىكتى بولۋىنا بايلانىستى سالىق كەزەڭى ۇلتتىق ۆاليۋتاعا ايتارلىقتاي قولداۋ كورسەتپەدى", - دەدى دوساەۆ ۇكىمەت وتىرىسىندا.
ول بەلگىسىزدىك پەن سىرتقى جاعدايلاردىڭ كۇرت ناشارلاۋى جاعدايىندا جەكە جانە زاڭدى تۇلعالاردىڭ شەتەل ۆاليۋتاسىنا سۇرانىسى ەداۋىر ارتقانىن ءتۇسىندىردى.
"تەڭگەنىڭ تۇراقسىزدىعىن بولدىرماۋ ماقساتىندا ۇلتتىق بانك 2020 جىلدىڭ قازانىنان باستاپ 2021 جىلدىڭ قاراشاسىندا 239 ميلليون دوللار سوماعا ", - دەپ تولىقتىردى دوساەۆ.
“ادىرنا” ۇلتتىق پورتالى
