1990 جىلى تۋلعان ازاماتتىڭ قايتىس بولۋ سەبەبىن انىقتاۋ ءۇشىن سوت-مەديتسينالىق ساراپتاماسى تاعايىندالدى، دەپ حابارلايدى “ادىرنا” ۇلتتىق پورتالى قازاقپارات سايتىنا سىلتەمە جاساپ.
بۇگىن 17:00 شاماسىندا شىمكەنت قالاسى پوليتسيا دەپارتامەنتىنىڭ عيماراتىندا قالا اۋماعىندا بىرنەشە قىمبات شەت ەل اۆتوكولىكتەرىن ايداپ كەتۋ قىلمىسى بويىنشا كۇدىكتى رەتىندە جەتكىزىلگەن ازامات جاۋاپ الۋ بارىسىندا بىردەن ءوزىن ناشار سەزىنگەنىن ايتقان. سول كەزدە العاشقى مەديتسينالىق كومەك كورسەتىلىپ، جەدەل جاردەم شاقىرتىلعان.
دەگەنمەن، جەدەل جاردەم كەلگەنشە، ەس-ءتۇسىن جوعالتقان ازامات مەزگىلسىز قايتىس بولدى.
«اتالعان فاكتى بويىنشا قر ءىىم وزىندىك قاۋىپسىزدىك دەپارتامەنتىنە جانە قالالىق پروكۋراتۋراعا حابارلاندى.قايتىس بولۋ سەبەبىن انىقتاۋ ءۇشىن سوت-مەديتسينالىق ساراپتاماسى تاعايىندالدى. ساراپتاما ناتيجەسى قوسىمشا حابارلانادى»،- دەلىنگەن شىمكەنت قالاسىنىڭ پوليتسيا دەپارتامەنتى تاراتقان ءباسپاسوز حابارلاماسىندا.
“ادىرنا” ۇلتتىق پورتالى
