قىرعىزستاننىڭ قازاقستاندىق وندىرىستەگى كولىكتەردى ساتىپ الۋى تۋرالى مەموراندۋمعا قول قويىلدى، دەپ حابارلايدى "ادىرنا" سايتى.
ۇكىمەت ۇيىندە قازاقستان رەسپۋبليكاسىنىڭ پرەمەر-ءمينيسترى اسقار مامين مەن مينيسترلەر كابينەتىنىڭ توراعاسى – قىرعىز رەسپۋبليكاسى پرەزيدەنتى اكىمشىلىگىنىڭ باسشىسى اقىلبەك جاپاروۆتىڭ قاتىسۋىمەن قول قويۋ ءراسىمى ءوتتى.
قۇجاتقا قازاقستان رەسپۋبليكاسىنىڭ ساۋدا جانە ينتەگراتسيا ءمينيسترى باقىت سۇلتانوۆ، قىرعىز رەسپۋبليكاسىنىڭ ەكونوميكا جانە كوممەرتسيا ءمينيسترى دانيار امانگەلديەۆ، بىشكەك قالاسىنىڭ اكىمى ايبەك دجۋنۋشاليەۆ جانە «Allur» كومپانيالار توبى» اق ديرەكتورلار كەڭەسىنىڭ توراعاسى اندرەي لاۆرەنتەۆ قول قويدى.
مەموراندۋم 2022 جىلى ليزينگ شارتتارىمەن قىرعىزستانعا 1000 بىرلىك Yutong ەلەكتر، گاز جانە ديزەلدى اۆتوبۋستار مەن 100 قازاقستاندىق ءوندىرىستىڭ ارنايى تەحنيكاسىن جەتكىزۋدى كوزدەيدى.
اۆتوبۋستار جولاۋشىلار كولىگىنىڭ ەلەكتروندى ديسپەتچەرلىك جۇيەسىمەن جانە ONAY PAY جول اقىسىن اۆتوماتتى تۇردە جيناۋ جۇيەسىمەن جابدىقتالادى.
"ادىرنا" ۇلتتىق پورتالى
