شىمكەنت قالالىق جۇمىسپەن قامتۋ جانە الەۋمەتتىك قورعاۋ باسقارماسىنىڭ ۇيىمداستىرۋىمەن «SHANYRAQ» ورتالىعىندا كوپبالالى انالارعا كاسىبي كەڭەس بەرىلدى. جيىنعا قالالىق تۇرعىن ءۇي باسقارماسى، ءبىلىم باسقارماسى، ەڭبەك، الەۋمەتتىك قورعاۋ جانە كوشى-قون كوميتەتىنىڭ شىمكەنت قالاسى بويىنشا دەپارتامەنتى جانە دەنساۋلىق ساقتاۋ باسقارماسىنىڭ ماماندارى قاتىستى.
ماماندار كوپبالالى انالاردىڭ سۇراقتارى مەن وتىنىشتەرى بويىنشا كەڭەستەر بەرىپ، زاڭ اياسىندا شەشۋ جولدارىن قاراستىردى. سونداي-اق، مۇمكىندىگى شەكتەۋلى ازاماتتارعا ارنالعان الەۋمەتتىك پورتال جانە اتاۋلى الەۋمەتتىك كومەككە بايلانىستى ونلاين قۇجات تاپسىرۋدىڭ تيىمدىلىگى مەن اتاۋلى الەۋمەتتىك كومەك تۋرالى تۇسىندىرمە جۇرگىزدى.
ايتا كەتۋ كەرەك، اتاۋلى الەۋمەتتىك كومەك - تابىسى تومەن ازاماتتارعا تولەنەتىن مەملەكەتتىك قارجىلاي قولداۋ. وتىنىشكە قۇجات تاپسىرعاننان كەيىن ارنايى قۇرىلعان كوميسسيا ءوتىنىش تاپسىرۋشىنىڭ تۇرمىستىق جاعدايىن تەكسەرىپ شەشىم قابىلدايدى.
اتاۋلى الەۋمەتتىك كومەك الۋشىلاردىڭ وتباسىلىق تابىسى جان باسىنا شاققانداعى كەدەيلىك شەگى 22 535 تەڭگەدەن تومەن بولعان جاعدايدا تاعايىندالادى. ال، جۇمىسسىز جۇرگەن ازاماتتارعا قالالىق جۇمىسپەن قامتۋ ورتالىعى تاراپىنان «جۇمىسپەن قامتۋدىڭ» بەلسەندى شارالارىنا قاتىسۋ ۇسىنىلۋدا.
ايتا كەتەيىك باسقارما تاراپىنان حالىققا تۇسىندىرمە جۇمىستارىن جۇرگىزۋگە باعىتتالعان كەزدەسۋلەر الداعى ۋاقىتتا جالعاسىن تاپپاق.
