Shymkent qalalyq Jumyspen qamtý jáne áleýmettik qorǵaý basqarmasynyń uıymdastyrýymen «SHANYRAQ» ortalyǵynda kópbalaly analarǵa kásibı keńes berildi. Jıynǵa qalalyq Turǵyn úı basqarmasy, Bilim basqarmasy, Eńbek, áleýmettik qorǵaý jáne kóshi-qon komıtetiniń Shymkent qalasy boıynsha departamenti jáne Densaýlyq saqtaý basqarmasynyń mamandary qatysty.
Mamandar kópbalaly analardyń suraqtary men ótinishteri boıynsha keńester berip, zań aıasynda sheshý joldaryn qarastyrdy. Sondaı-aq, múmkindigi shekteýli azamattarǵa arnalǵan áleýmettik portal jáne ataýly áleýmettik kómekke baılanysty onlaın qujat tapsyrýdyń tıimdiligi men ataýly áleýmettik kómek týraly túsindirme júrgizdi.
Aıta ketý kerek, ataýly áleýmettik kómek - tabysy tómen azamattarǵa tólenetin memlekettik qarjylaı qoldaý. Ótinishke qujat tapsyrǵannan keıin arnaıy qurylǵan komıssııa ótinish tapsyrýshynyń turmystyq jaǵdaıyn tekserip sheshim qabyldaıdy.
Ataýly áleýmettik kómek alýshylardyń otbasylyq tabysy jan basyna shaqqandaǵy kedeılik shegi 22 535 teńgeden tómen bolǵan jaǵdaıda taǵaıyndalady. Al, jumyssyz júrgen azamattarǵa qalalyq jumyspen qamtý ortalyǵy tarapynan «Jumyspen qamtýdyń» belsendi sharalaryna qatysý usynylýda.
Aıta keteıik basqarma tarapynan halyqqa túsindirme jumystaryn júrgizýge baǵyttalǵan kezdesýler aldaǵy ýaqytta jalǵasyn tappaq.
