ەرتەرەكتە قانداي دا ءبىر سىرقاتقا تاپ بولىپ، اۋىر حالدە جاتقان ادامنىڭ بەتى بەرى قارامايتىنى، وڭالمايتىنى بەلگىلى بولعان ساتتە، ونىڭ اتا-اناسى نەمەسە جاقىن تۋىسى جاراتقانعا جالبارىنىپ «سىرقات ادامنىڭ ورنىنا مەنى ال، ءوزىمدى ونىڭ جولىنا قۇرباندىققا شالدىم» دەپ يمانىن ايتىپ ءتىرى قالۋىن تىلەگەن ەكەن. ءدال وسى بايىردان كەلە جاتقان ءراسىمدى قازاقتا اينالماق دەپ اتاعان. بۇل جاعدايدى تەك ءتۇرلى شيپا ىزدەپ، ەم قونباعان جاعداي دا عانا، امالى تاۋسىلعان كەزدە قيماستىقتان قولدانعان.
قازاقتا «ءYيدى اينالىپ جۇگىرۋ»، «وتىرعان نەمەسە جاتقان ادامدى اينالۋ» جاماندىق شاقىرادى دەپ سەنىپ مۇنداي ارەكەتتەرگە ۇلكەنىنەن كىشىسىنە دەيىن تىيىم سالعان. ولاي ىستەسە، وزگەنىڭ اۋرۋى ساعان اۋىسادى، باق اداسىپ باقىتسىزدىققا ۇشارايسىڭ دەپ سەنگەن. ونىمەن قوسا، ادامدى، ءۇيدى اينالما دەگەنى جانە «اينالايىن» دەگەن قازاق ءسوزىنىڭ توركىنى وسى اينالماق ۇردىسىنە تىكەلەي قاتىسى بولسا كەرەك.
فب-داعى "حالىق بانكى" رەسمي پاراقشاسىنان
