بەيبىت سارىباي: ءسالاپيتتىڭ سانى ارتقانى كىمگە پايدا؟

146

تانىمال جازۋشى بەيبىت سارىباي بۇعان دەيىن دە ءداستۇرلى ەمەس ءدىني اعىم ۇستانۋشىلارىن بىرنەشە رەت سىناعان بولاتىن. بۇل جولى ول ازىلدەي وتىرىپ "دىندارلارعا" اقىل-ۇسىنىسىن ايتىپتى. ءوز پىكىرىن جازۋشى Facebook-پاراقشاسىنا قالدىرعان.

تۋراسىن ايتقاندا، ب.سارىباي "ساقالدىلاردىڭ" ساقالسىزدارعا كوزقاراسىنىڭ دۇرىس ەمەس ەكەنىن جازىپ وتىر.

«ساقالدى نامازxان باۋىرلارىمىز ءبىز سەكىلدى كوسەلەردى كەمپىربەت دەيدى. جاسسىڭ با، كارىسىڭ بە، ءبارىبىر. ساقالىڭ جوق پا، بولدى، كەمپىربەتسىڭ. الپىستان اسقان، جەتپىسكە جەتكەن كىسىلەردى ايتسا كەلىسەسىڭ عوي. مىنا بىزدەي ون ەكىدە توعىز گۇلى جاڭا اشىلىپ، ونىنشىسى ەندى عانا قاۋىز جارعاندارعا وبال ەمەس پە؟! سوندىقتان مەن ويلانا كەلە مىناداي ۇسىنىس جاساپ وتىرمىن. كەمپىربەت دەپ بىلش ەتكىزبەي، ادامنىڭ جاس مولشەرىنە قاراي بىلاي مۇقاتىڭىزدار:

1. قىزديدار
2. كەلىنكەلبەت
3. قاتىنبەينە
سوسىن بارىپ ءتورتىنشى كەمپىربەت دەڭدەر»، - دەپ جازدى ول الەۋمەتتىك جەلىدەگى پاراقشاسىنا.

«سولار قىزىق-ەي، ءبىز ساقالدى قويعىمىز كەلمەگەندىكتەن وسىرمەي جۇرگەندەي كورەدى. شىقپاسا ولەمىز بە. الدە ون-ون بەس تال قىلپىقتى سورايتىپ قويىپ، ءىشى ۆيرۋسقا تولعان بۋرىن ۋستالعان سوتكا سات دەي مە... ءسالاپيدىڭ سانى ارتقانى كىمگە پايدا؟ ودان كورى xانافيلەرمەن نيەتتەس بولىپ جۇرە بەرگەنىمىز دۇرىس ەمەس پە، ا؟ بۇنىم قالاي؟ سولاي دوستار، كوسە بولماساق جاراستىرىپ ساقال قويار ەدىك. ءسويتىپ مىنا تۇرىمىزدەن جالىققانداردىڭ كوزىنىڭ قۇرمەتىنە ءبىر جاڭالىق ەنگىزەر ەدىك. امال نە، شىقپايدى. ەرتەنيەتتىڭ مىنا پىراگرامماسىنا دا راقمەت، ارماندا كەتپەي، ساقالدى بولساق قانداي بولماعىمىزدى كورە كەتتىك. قۇداي بەرمەگەنساقالدى ەكتىرەتىندەي ەرىككەن سارت تا ەمەسپىز. بوپتى جارايدى، الدار اتىمىزعا كوسە سىقپىت تا كەرەك شىعار. ەندى قالعان الپىس جىلدى وسى تۇرمەن-اق بىردەڭە قىلارمىز»، - دەپ ءسوزىن ءتۇيدى جازۋشى.


sn.kz

پىكىرلەر