دۇيسەنبىدە اق ءۇيدىڭ ءباسپاسوز حاتشىسى دجەن پساكي قىتايداعى ويىندارعا ديپلوماتيالىق بويكوت جاريالانعانىن ايتتى، دەپ حابارلايدى “ادىرنا” ۇلتتىق پورتالى.
اقش شەنەۋنىكتەرى بەيجىڭگە كەلمەيدى.
حالىقارالىق وليمپيادا كوميتەتى (حوك) اقش-تىڭ بەيجىڭدەگى 2022 جىلعى وليمپياداعا ديپلوماتيالىق جولمەن بويكوت جاريالاۋ شەشىمىنە قاتىستى پىكىر ءبىلدىردى. بۇل تۋرالى دۇيسەنبى، 6 جەلتوقساندا Match TV حابارلادى.
"وليمپياداعا مەملەكەتتىك قىزمەتكەرلەر مەن ديپلوماتتاردىڭ قاتىسۋى بەلگىلى ءبىر ەل بيلىگىنىڭ تازا ساياسي شەشىمى بولىپ تابىلادى. حوك ساياسي بەيتاراپتىلىقتى ساقتاي وتىرىپ، بۇل قۇقىقتى تولىعىمەن قۇرمەتتەيدى", - دەدى حوك وكىلى.
بۇعان دەيىن اقش ۇكىمەتى بەيجىڭدەگى وليمپيادا ويىندارىنا ديپلوماتيالىق بويكوت جاريالاۋدى رەسمي تۇردە جاريالاعانى بەلگىلى بولدى.
اقش-تاعى بۇل شەشىم «شىڭجاڭداعى گەنوتسيد پەن ادامزاتقا قارسى قىلمىستاردىڭ جالعاسۋىمەن» ءتۇسىندىرىلدى.
ديپلوماتيالىق بويكوت اقش ۇكىمەتىنىڭ شەنەۋنىكتەرىنىڭ ويىندارعا قاتىسپايتىنىن بىلدىرەدى، بىراق امەريكاندىق سپورتشىلار ءالى دە جارىستارعا قاتىسا الادى.
”ادىرنا” ۇلتتىق پورتالى