جەمقورلىق: 11 ايدا 159 باسشى ۇستالعان

2379
Adyrna.kz Telegram

قازاقستاندا بيىلعى 11 اي ىشىندە وبلىس دەڭگەيىندەگى 159 باسشى "جەمقورلىق قىلمىسى ءۇشىن" جاۋاپقا تارتىلعان دەپ حابارلايدى "ادىرنا" ۇلتتىق پورتالى.

"اقوردا" سايتىنىڭ حابارلاۋىنشا، بۇل تۋرالى سىبايلاس جەمقورلىققا قارسى اگەنتتىك باسشىسى مارات احمەتجانوۆ  ۆەدومستۆونىڭ جۇمىسى جونىندە قر پرەزيدەنتى قاسىم-جومارت توقاەۆقا ەسەپ بەرگەن كەزدە  مالىمدەدى.

مارات احمەتجانوۆتىڭ ايتۋىنشا، بيىل 11 ايدىڭ ىشىندە 1576 سىبايلاس جەمقورلىق قىلمىسى تىركەلگەن. 1280 ازامات، ونىڭ ىشىندە رەسپۋبليكالىق جانە وبلىستىق دەڭگەيدەگى 159 باسشى جەمقورلىق قىلمىس بويىنشا جاۋاپقا تارتىلعان. تالان-تاراجعا تۇسكەن 20 ميلليارد تەڭگەدەن استام قارجى بيۋدجەتكە قايتارىلعان.

ايتا كەتۋ كەرەك، "Transparency International" حالىقارالىق ۇيىمىنىڭ بيىل قاڭتاردا جاريالانعان جەمقورلىق يندەكسىندە قازاقستان 180 ەلدىڭ ىشىندە 94-ورىندا تۇر. 

 

"ادىرنا" ۇلتتىق پورتالى.

پىكىرلەر