Qazaqstanda bıylǵy 11 aı ishinde oblys deńgeıindegi 159 basshy "jemqorlyq qylmysy úshin" jaýapqa tartylǵan dep habarlaıdy "Adyrna" ulttyq portaly.
"Aqorda" saıtynyń habarlaýynsha, bul týraly Sybaılas jemqorlyqqa qarsy agenttik basshysy Marat Ahmetjanov vedomstvonyń jumysy jóninde QR Prezıdenti Qasym-Jomart Toqaevqa esep bergen kezde málimdedi.
Marat Ahmetjanovtyń aıtýynsha, bıyl 11 aıdyń ishinde 1576 sybaılas jemqorlyq qylmysy tirkelgen. 1280 azamat, onyń ishinde respýblıkalyq jáne oblystyq deńgeıdegi 159 basshy jemqorlyq qylmys boıynsha jaýapqa tartylǵan. Talan-tarajǵa túsken 20 mıllıard teńgeden astam qarjy bıýdjetke qaıtarylǵan.
Aıta ketý kerek, "Transparency International" halyqaralyq uıymynyń bıyl qańtarda jarııalanǵan jemqorlyq ındeksinde Qazaqstan 180 eldiń ishinde 94-orynda tur.
"Adyrna" ulttyq portaly.
