نۇرسۇلتان نازارباەۆ قازاقستاندا اتوم ەلەكتر ستانتسياسىنىڭ سالىناتىنىن مالىمدەدى، دەپ حابارلايدى «ادىرنا» ءتىلشىسى.
«ءبىز اتوم ستانتسياسىن سالامىز. ەندى مەردىگەر مەن تەحنولوگيانى تاڭداۋ كەرەك. رەسەي، جاپونيا، وڭتۇستىك كورەيا جانە امەريكالىق كومپانيالار ىقىلاستارىن ءبىلدىرىپ جاتىر. قازىر ءبىز مۇنى قايدا جاساۋ كەرەكتىگىن قاراستىرۋ ۇستىندەمىز»،- دەدى ول امەريكالىق رەجيسسەر وليۆەر ستوۋنعا بەرگەن سۇحباتىندا.
ايتا كەتەيىك، ەلباسى ستانتسيانى سالۋ قاجەتتىلىگى ەلدەگى ەلەكتر ەنەرگياسىنىڭ تاپشىلىعىنا بايلانىستى ەكەنىن العا تارتىپ وتىر.
«ادىرنا» ۇلتتىق پورتالى
