قاماۋدا وتىرعان ايەل تارازدىقتاردى 50 ميلليون تەڭگەگە الداپ كەتكەن

1801

قاماۋدا وتىرعان ايەل تارازدىقتاردى 50 ميلليون تەڭگەگە الداپ كەتكەن، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.

تاراز قالاسىنىڭ پوليتسيا باسقارماسىنا 57 جاستاعى ەر ادام جۇگىندى. ونىڭ ايتۋىنشا، 2021 جىلدىڭ ماۋسىم ايىندا ءوزىن اكىمشىلىك قىزمەتكەرى رەتىندە تانىستىرعان ايەل پاتەر ساتىپ الۋعا كومەكتەسەمىن دەپ سەنىمىنە كىرىپ، ونىڭ 1 850 000 تەڭگەسىن يەمدەنىپ كەتكەن. جەدەل-ىزدەستىرۋ ءىس-شارالارى بارىسىندا پوليتسيا قىزمەتكەرلەرى وسىعان ۇقساس 11 قىلمىس جاساعانى ءۇشىن وبلىس ورتالىعىنىڭ تەرگەۋ يزولياتورىندا قاماۋدا وتىرعان 46 جاستاعى ايەلدى انىقتادى. كەلتىرىلگەن زالالدىڭ جالپى كولەمى شامامەن 50 ملن. تەڭگەنى قۇرايدى. ۇستالعان ايەل كىناسىن تولىق مويىندادى.

بۇل دەرەككە قاتىستى قازاقستان رەسپۋبليكاسى قىلمىستىق كودەكسىنىڭ 190-بابى 3-بولىگى بويىنشا سوتقا دەيىنگى تەرگەۋ امالدارى باستالدى.

اتالعان قىلمىستى جاساعانى ءۇشىن قر قىلمىستىق كودەكسىندە  مۇلكى تاركىلەنۋمەن 3 جىلدان 7 جىلعا دەيىنگى مەرزىمگە باس بوستاندىعىن شەكتەۋ نە سول مەرزىمگە باس بوستاندىعىنان ايىرۋ تۇرىندەگى جازا كوزدەلگەن.

«ادىرنا» ۇلتتىق پورتالى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket