تاليبان باسشىلارى قانشا ايلىق الادى؟

4032
Adyrna.kz Telegram

اۋعانستاندىق 8am.af پورتالى تاليبان ۇكىمەتىنىڭ جالاقىسىن جاريالادى. ەل باسشىسى مولدا مۇحاممەد-حاسان احۋندتىڭ ەڭ جوعارى جالاقىسى شامامەن 2 مىڭ دوللاردى (882 مىڭ تەڭگە) قۇرايدى، دەپ حابارلايدى “ادىرنا” ۇلتتىق پورتالى.

بۇل اۋعانستاندىق ستاندارت بويىنشا ايتارلىقتاي ۇلكەن سوما. پرەمەر-ءمينيستردىڭ ورىنباسارلارى (تاليبان ۇكىمەتىندە ەكەۋى بار) ارقايسىسى 1900 دوللاردان الادى:

جوعارعى سوت توراعاسى - 1750 دوللار

* مينيسترلەر - 1430 دوللار

* بارلاۋ ءبولىمىنىڭ باستىعى – 1430 دوللار

* ۇكىمەت اپپاراتىنىڭ باسشىسى– 1270 دوللار

* پروۆينتسيالاردىڭ گۋبەرناتورلارى - 953 دوللار.

* كابۋل مەرى – 1100 دوللار.

اۋعانستاننىڭ بۇرىنعى پرەزيدەنتى اشراف عاني ايىنا 940 000 اۋعاني الىپ وتىردى، بۇل كورسەتكىش 13 400 دوللارعا تەڭ. بيلىكتى تاليبان باسىپ العاننان كەيىن ولاردىڭ ۆاليۋتا باعامى تومەندەدى.

قازىر ۇكىمەتتەگى ەڭ تومەنگى جالاقى 5000 اۋعاني (52 دوللار), ال جالپى ەل بويىنشا ەڭ تومەنگى جالاقى 3000 اۋعاني (31,2 دوللار) قۇرايدى.

“ادىرنا” ۇلتتىق پورتالى

پىكىرلەر