نۇرلان ەرمەكباەۆ بۇكىلقازاقستاندىق قويان-قولتىق ۇرىس قاۋىمداستىعىنىڭ توراعاسى بولىپ قايتا سايلاندى

1756

نۇرلان ەرمەكباەۆ بۇكىلقازاقستاندىق قويان-قولتىق ۇرىس قاۋىمداستىعىنىڭ توراعاسى بولىپ قايتا سايلاندى، دەپ حابارلايدى “ادىرنا” ۇلتتىق پورتالى.

الماتىدا وتكەن كەزەكتەن تىس كونفەرەنتسيادا نۇرلان ەرمەكباەۆ تورالقا شەشىمىمەن قايتادان بۇكىلقازاقستاندىق قويان-قولتىق ۇرىس قاۋىمداستىعىنىڭ توراعاسى بولىپ سايلاندى. ول بۇل لاۋازىمدى 2018 جىلدان بەرى باسقارىپ كەلەدى.

وتكەن 2 جىل ىشىندە قويان-قولتىق ۇرىس قاۋىمداستىقتارى جۇيەلى جۇمىسىمەن كوزگە كورىندى: ەلىمىزدىڭ ءىرى قالالارىندا، وبلىس ورتالىقتارى مەن اۋىلدارىندا بالالار مەن ەرەسەكتەرگە ارنالعان سپورت زالدارى جۇمىسىن توقتاتقان ەمەس.

 

2021 جىلى ماسكەۋدە وتكەن قويان-قولتىق ۇرىستان الەم كۋبوگىندا قازاقستاندىق كوماندا ءساتتى ونەر كورسەتىپ، 4 التىن، 2 كۇمىس جانە 6 قولا مەدالدى قورجىنعا سالدى.

قاۋىمداستىق سونداي-اق 2023 جىلعى الەم چەمپيوناتىن قازاقستاندا وتكىزۋ تۋرالى ۋاعدالاستىققا قول جەتكىزدى.

ايتا كەتەيىك، 2019 جىلدان باستاپ قازاقستان رەسپۋبليكاسىنىڭ قارۋلى كۇشتەرىندە ارميالىق قويان-قولتىق ۇرىس بەلسەندى دامىپ كەلەدى.

ساربازداردىڭ فيزيكالىق دايىندىعىن كۇشەيتۋ ماقساتىندا وقۋ باعدارلاماسىنا قويان-قولتىق ۇرىستىڭ بازالىق دايىندىعى ەنگىزىلدى. سول جىلى ەرمەكباەۆ كەلىسىمشارت بويىنشا اسكەري قىزمەتشىلەر، وفيتسەرلەر عانا ەمەس، مەرزىمدى قىزمەتتەگى بارلىق ساربازداردىڭ دا قويان-قولتىق ۇرىستىڭ بازالىق داعدىلارىن مەڭگەرۋىن تالاپ ەتتى.

بۇل ارقىلى ساربازدار كەز-كەلگەن جاعدايدا وزدەرىن قورعاپ قالۋمەن قاتارقاۋىپتىڭ بەتىن قايتارا الاتىن كۇشكە يە بولادى.

“ادىرنا” ۇلتتىق پورتالى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket