مينيستر نۇرلان ەرمەكباەۆ جىل سايىن «جومارت جۇرەك» سىيلىعىنىڭ جەڭىمپازدارىن ماراپاتتاۋ ءراسىمىن ۇيىمداستىرۋدى تاپسىردى.
قازاقستان رەسپۋبليكاسى ءدىن ىستەرى جانە ازاماتتىق قوعام مينيسترىلىگىنىڭ القا ءماجىلىسىنىڭ كەڭەيتىلگەن وتىرىسىندا مينيستر نۇرلان ەرمەكباەۆ جىل سايىن «جومارت جۇرەك» سىيلىعىنىڭ جەڭىمپازدارىن ماراپاتتاۋ ءراسىمىن ۇيىمداستىرۋدى تاپسىردى، دەپ حابارلايدى Baq.kz.
«ازاماتتىق جاۋاپكەرشىلىكتى جوعارى قوياتىن قازاقستاندىقتاردى قوعامدىق ىنتالاندىرۋ اسا ماڭىزدى. «رۋحاني جاڭعىرۋ» باعدارلاماسى اياسىندا وڭىرلەر مەن جەرگىلىكتى قاۋىمداستىقتار دامۋىنا ۇلەس قوسقان ازاماتتار كوتەرمەلەنۋگە لايىقتى. سوندىقتان، ازاماتتىق قوعام ىستەرى كوميتەتىنە تۋعان جەرىنىڭ دامۋىنا ءوز ءومىرىن جانە تابىسىنىڭ ءبىر بولىگىن ارناعان ازاماتتاردى ماداقتاۋ ءۇشىن «جومارت جۇرەك» سالتاناتىن ۇيىمداستىرۋدى تاپسىرامىن»، - دەدى مينيستر نۇرلان ەرمەكباەۆ.
مينيسترلىك قازىرگى ۋاقىتتا «رۋحاني جاڭعىرۋ» باعدارلاماسى اياسىندا «تۋعان جەر» باعىتى بويىنشا «اتامەكەن» شاعىن باعدارلاماسىن جۇزەگە اسىرۋدا. شاعىن باعدارلاما جەرگىلىكتى قاۋىمداستىقتىڭ وزەكتى ماسەلەلەرىن شەشۋ ءۇشىن ازاماتتاردىڭ، ۇەۇ-دىڭ، ەرىكتىلەردىڭ، مەتسەناتتار مەن بيزنەس-قۇرىلىمداردىڭ جانە مەملەكەتتىك ورگانداردىڭ كۇش-جىگەرىن بىرىكتىرۋگە باعىتتالعان.
شاعىن باعدارلاما شەڭبەرىندە ەكى نەگىزگى باعىت ىسكە اسىرىلادى. ولار: «الەۋمەتتىك باستامالار كارتاسى» جانە «جومارت جۇرەك» جوبالارى. 2017 جىلى شاعىن باعدارلاما اياسىندا جالپى قۇنى 43 ملرد 530 ملن تەڭگەنى قۇرايتىن 1197 جوبا اياقتالدى.
«بۇل جوبالار اياسىندا ەلىمىزگە «حالىقتىق» ينۆەستيتسيالار تۇرىندە اۋقىمدى كومەكتەر جاسالدى. ازاماتتار، نەگىزىنەن كاسىپكەرلەر الەۋمەتتىك نىساندار سالۋعا، ولاردى رەكونسترۋكتسيالاۋعا جانە قازىرگى زامانعى جابدىقتارمەن قامتاماسىز ەتۋگە قاراجات سالا باستادى»، - دەپ اتاپ ءوتتى
zakon.kz
