الاڭداعى اتىس: تاجىكستاندا نە بولىپ جاتىر؟

1348

تاجىكستاندا حالىق نارازىلىعى توقتار ەمەس. 25-قاراشا كۇنى تاجىكستاننىڭ روشتكالى اۋدانىندا قۇقىق قورعاۋ ورگان قىزمەتكەرلەرى جاس جىگىت گۋلبيددين زيەبەكوۆتى تۇتقىندايدى. وعان "ادامدى كەپىلدىككە العان جانە قورقىتىپ اقشا تالاپ ەتكەن" دەگەن ايىپ تاعىلادى. تۇتقىنداۋ بارىسىندا گۋلبيددين جاراقات الادى، ال حوروگ قالاسىنا تەرگەۋگە اپارا جاتقان جولدا كوز جۇمادى. 

الايدا كۋاگەرلەر مەن قۇقىق قورعاۋ ورگان قىزمەتكەرلەرى ەكى ءتۇرلى نۇسقا ايتۋدا. قازا تاپقان جىگىتتىڭ تۋىستارى ونىڭ امان-ساۋ كەتكەنىن، الايدا پوليتسيا بولىمشەسىنەن ءولى كۇيندە تابىلعانىن ايتسا، قۇقىق قورعاۋ ورگان قىزمەتكەرلەرى ونىڭ ءتارتىپ ساقشىلارىنا قارسىلىق ءبىلدىرىپ، جاراقات العانىن، سودان كوز جۇمعانىن ايتادى.

قازا بولعان جىگىتتىڭ تۋىستارى ونىڭ دەنەسىن ورتالىق الاڭعا اپارىپ، ءولىم سەبەبىن ناقتى زەرتتەۋ تالابىن قويعان. ارتىنشا الاڭعا جۇزدەگەن ادام جينالىپ، بيلىككە ءوز قارسىلىقتارىن بىلدىرگەن. سول كۇنى الاڭدا اتىس بولىپ، تاعى ءبىر ازامات قازا تابادى. ول 21 جاستاعى تۋتيشو اسليشوەۆ بولاتىن. تاعى ءبىر ازامات اتىستا جاراقات الىپ، اۋرۋحانادا كوز جۇمعان. وقتى بيلىك ورگاندارى اتتى دەگەن كۇدىك بار. بۇل اقپارات حوروگ قالاسىنىڭ تۇرعىندارى اراسىندا لەزدە تاراپ، الاڭعا مىڭداعان ادام جينالىپ، نارازىلىق اكتسياسى كۇشەيە تۇسكەن. سالدارىنان الاڭدا تاعى قاقتىعىس بولىپ، ءتارتىپ ساقشىلارى مەن حالىق اراسىندا زارداپ شەككەندەر بار.

تەرگەۋگە شاقىرىلىپ، قازا تاپقان جىگىتتىڭ دەنەسى الاڭدا ءۇش كۇن جاتىپ، اقىرى جەر قوينىنا بەرىلدى. نارىزىلىق جالعاسۋدا. بيلىك وكىلدەرى ءادىل تەرگەۋ وتكىزۋگە ۋادە بەرسە دە، حالىق ناتيجەنىڭ شىنايى بولمايتىنىنا سەنىمدى.

"ادىرنا" ۇلتتىق پورتالى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket