Alańdaǵy atys: Tájikstanda ne bolyp jatyr?

2909
Adyrna.kz Telegram

Tájikstanda halyq narazylyǵy toqtar emes. 25-qarasha kúni Tájikstannyń Roshtkaly aýdanynda quqyq qorǵaý organ qyzmetkerleri jas jigit Gýlbıddın Zıebekovty tutqyndaıdy. Oǵan "adamdy kepildikke alǵan jáne qorqytyp aqsha talap etken" degen aıyp taǵylady. Tutqyndaý barysynda Gýlbıddın jaraqat alady, al Horog qalasyna tergeýge apara jatqan jolda kóz jumady. 

Alaıda kýágerler men quqyq qorǵaý organ qyzmetkerleri eki túrli nusqa aıtýda. Qaza tapqan jigittiń týystary onyń aman-saý ketkenin, alaıda polıııa bólimshesinen óli kúınde tabylǵanyn aıtsa, quqyq qorǵaý organ qyzmetkerleri onyń tártip saqshylaryna qarsylyq bildirip, jaraqat alǵanyn, sodan kóz jumǵanyn aıtady.

Qaza bolǵan jigittiń týystary onyń denesin ortalyq alańǵa aparyp, ólim sebebin naqty zertteý talabyn qoıǵan. Artynsha alańǵa júzdegen adam jınalyp, bılikke óz qarsylyqtaryn bildirgen. Sol kúni alańda atys bolyp, taǵy bir azamat qaza tabady. Ol 21 jastaǵy Týtısho Aslıshoev bolatyn. Taǵy bir azamat atysta jaraqat alyp, aýrýhanada kóz jumǵan. Oqty bılik organdary atty degen kúdik bar. Bul aqparat Horog qalasynyń turǵyndary arasynda lezde tarap, alańǵa myńdaǵan adam jınalyp, narazylyq akııasy kúsheıe túsken. Saldarynan alańda taǵy qaqtyǵys bolyp, tártip saqshylary men halyq arasynda zardap shekkender bar.

Tergeýge shaqyrylyp, qaza tapqan jigittiń denesi alańda úsh kún jatyp, aqyry jer qoınyna berildi. Naryzylyq jalǵasýda. Bılik ókilderi ádil tergeý ótkizýge ýáde berse de, halyq nátıjeniń shynaıy bolmaıtynyna senimdi.

"Adyrna" ulttyq portaly

Pikirler