اقتوبە باسشىسى ءىلياس يسپانوۆتىڭ حالىق الدىندا ەسەپ بەرۋىنەن بەرى ءبىر اپتا ۋاقىت وتسە دە، جەرگىلىكتى باق اتالعان شارادا كوتەرىلگەن وزەكتى ماسەلەلەردى ءالى دە تالقىلاپ جاتىر، دەپ حابارلايدى «اقتوبە تايمس».
«زەينەتكەرلەر مەن مۇگەدەكتەر بيلىكتى سىبايلاس جەمقورلىق ءۇشىن ايىپتادى. ولار اكىمدىك قىزمەتكەرلەرىنە نارازىلىقتارىن ءبىلدىردى. كوبىنەسە مەديتسينا جانە الەۋمەتتىك سالاداعى ولقىلىقتار تۋرالى ايتىلدى»، - دەلىنگەن ماقالادا.
ەكىنشى توپتاعى مۇگەدەك سالىمگەرەي ساتيەۆ جولداردىڭ جاسالماۋى مەن ءدارى جەتىسپەۋشىلىگىنە شاعىمداندى.
«پرەزيدەنت مۇگەدەكتەرگە قولداۋ ءبىلدىرىلۋ كەرەكتىگى تۋرالى ايتقان بولاتىن. بىراق ءبىز بىردە ءبىر قولداۋ كورمەدىك! بۇل ءبىزدىڭ شەنەۋنىكتەر جۇمىس ىستەمەيدى دەگەن ءسوز. مەن ولاردىڭ جالاقىسىن 50% قىسقارتىپ، ونى مەديتسينا سالاسىنا اۋدارۋدى ۇسىنامىن. بىزدە دارىگەرلەر تەك ەكى ساعاتتان جۇمىس ىستەيدى. ساپارباەۆ مىرزا، ولار وسى ۋاقىتتا نە ىستەپ ۇلگەرەدى دەپ ويلايسىز؟» - دەيدى ول.
زەينەتكەر الدابەرگەنوۆ جەمقورلىقتىڭ كوبەيىپ كەلە جاتقانىنا نارازىلىق ءبىلدىردى.
«مەنىڭ ساياجايىم بولدى. ونى ماعان قۇرىلىسى بىتپەي تۇرىپ سىيلادى. اجەم ەكەۋىمىز باقتاشىلىقپەن اينالىستىق. كەيىن ءبىزدىڭ ساياجايىمىزدى تارتىپ الدى. قۇجاتتاردىڭ دۇرىس ەمەستىگىن ايتتى. ناتيجەسىندە جاڭا جەر تەلىمىن بەردى. بىراق بۇل ساياجاي ەمەس، ادام تۇرمايتىن ءبىر جەر. مەن ءارتۇرلى ينستانتسيادان ءوتتىم، بارلىق جەردە جەمقورلىق بار. بارلىق جەردە «ساكە-باكە». پوليتسياعا بارسام دا، ەش پايدا بولمايدى. مەنىڭ ءوزىمدى اقىماق قىلادى! ءبىزدىڭ جەرىمىزدى قايدا جىبەردى؟ كەدەي بولعاندارىڭ سونشالىق، قاريالاردىڭ جەرىن تارتىپ الاتىنداي دارەجەگە جەتتىڭدەر مە؟» - دەدى زەينەتكەر شەنەۋنىكتەرگە.
دەرەككوز: baq.kz
