5 بالاسى بار وسكەمەن تۇرعىنىن ازاماتتىق نەكەدەگى جۇبايى قورلاپ، زورلىق-زومبىلىق كورسەتكەن، دەپ حابارلايدى "ادىرنا" ۇلتتىق پورتالى.
وسكەمەن قالالىق پوليتسيا باسقارماسىنىڭ مالىمەتىنشە، مارگاريتا ەسىمدى كەلىنشەكتىڭ ازاماتتىق نەكەدەگى كۇيەۋىنەن بەس بالاسى بار.
مارگاريتانىڭ ايتۋىنشا، كۇيەۋى تەك وزىنە عانا ەمەس، بالالارىنا دا قول كوتەرە باستاعان.
"ۇيدە ەشتەڭەگە كومەكتەسپەيدى. مەن ودان كەتىپ قالۋعا قورىقتىم، ويتكەنى ءوزىم بالالار ۇيىنەن شىققانمىن – كومەك كۇتەتىن باسقا ەشكىم جوق، سونىمەن قاتار نەشە جىل بويى جۇمىس ىستەمەي ۇيدە بالالارمەن وتىردىم", - دەيدى مارگاريتا.
الايدا 23 قاراشا كۇنى ەزگىگە شىداماعان مارگاريتا بالالارىن الىپ، ءتۇن ىشىندە ۇيدەن قاشىپ كەتكەن.
قۇربىسىنىڭ شارۋا قوجالىعىنا بەت العان كوپ بالالى انا وندا كوپ تۇراقتامايتىنىن ءبىلىپ، وسكەمەن قالاسىنىڭ ايەلدەردى زورلىق-زومبىلىقتان قورعاۋ بويىنشا پوليتسيا قىزمەتكەرلەرىنەن كومەك سۇرادى.
بالالارىنىڭ بارلىعى كامەلەت جاسىنا تولماعان. سول سەبەپتى مارگاريتاعا ۋاقىتشا تۇراقتايتىن جەر بەرىلدى.
"ارينە، بۇل وتباسى پوليتسيا قىزمەتكەرلەرىنىڭ باقىلاۋىندا بولادى، بولاشاقتا ولارعا كومەك پەن قولداۋ كورسەتىلەدى", - دەپ ءتۇسىندىردى وسكەمەن قالالىق پوليتسيا باسقارماسىنىڭ باستىعى اندرەي مۋلا.
"ادىرنا" ۇلتتىق پورتالى
