الماتى قالاسى اكىمىنىڭ ورىنباسارى سەرىك قۇسايىنوۆ قوعامدىق كولىكتە جولاقى قىمباتتاۋى مۇمكىن ەكەنىن مالىمدەدى، دەپ حابارلايدى «ادىرنا» ءتىلشىسى.
«ەرتەڭ-اق ءتاريفتى كوتەرەمىز دەپ وتىرعان جوقپىز. ءبىز جالپى بار ماسەلەنى تالقىلاۋدامىز. ءتاريفتى كوتەرۋ قاجەت. ەگەر ءبىز بۇل ماسەلەنى قاراستىراتىن بولساق، وندا جۇرتشىلىقپەن، قالا تۇرعىندارىمەن اقىلداساتىن بولامىز. بۇل سۇراق وتە وزەكتى. تاسىمالداۋشىلار تاريفتەردى قاشان كوتەرەتىنىمىز تۋرالى ءجيى سۇرايدى. وسى ماسەلەنى كوكتەمدە تالقىلايمىز دەپ ويلايمىن»،– دەدى ول.
اكىم ورىنباسارىنىڭ ايتۋىنشا، بيۋدجەت جىلىنا 40 ميلليارد تەڭگەگە جۋىق سۋبسيديا تولەيدى. بۇل ەل بويىنشا ەڭ ۇلكەن كورسەتكىش.
ەسكە سالا كەتەيىك، ءبىر جىل بۇرىن دوتاتسياسىز ءبىر جول ءجۇرۋدىڭ ناقتى قۇنى 250 تەڭگەنى قۇرايتىنى ايتىلعان بولاتىن.
«ادىرنا» ۇلتتىق پورتالى
