"توميريس" فيلمىندە ساق پاتشايىمىنىڭ ءرولىن سومدايتىن اكتريسا بەلگىلى بولدى، دەپ xابارلايدى Today.kz اقان ساتاەۆتىڭ Instagram-داعى رەسمي پاراقشاسىنا سىلتەمە جاساي وتىرىپ.
"زور قۋانىشپەن باستى كەيىپكەردى سومدايتىن اكتريسامەن تانىستىرعىم كەلىپ تۇر. ول 1990 جىلى تۋعان الميرا تۇرسىن. ماماندىعى كوۋچ-پسيxولوگ", – دەيدى رەجيسسەر.
رەجيسسەردىڭ ايتۋىنشا ول بىلتىر مامىر ايىندا استاناداعى جالپىقازاقستاندىق كاستينگكە كەلىپ، ءبىرىنشى تۋردان وتكەن.
ال قىركۇيەك ايىندا رەجيسسەرلىك بەينە بايقاۋعا قاتىسىپ، ەكىنشى تۋردان دا ءساتتى وتكەن.
ال ءۇشىنشى تۋر جاتتىعۋ لاگەرىندە جالعاسقان. وتكەن جىلدىڭ جەلتوقسانىندا ءفيلمنىڭ باس پروديۋسەرى ءاليا نازارباەۆا مەن تۋىندى رەجيسسەرى اقان ساتاەۆ الميرانى توميريس رولىنە بەكىتكەن.
"قازىر اكتەرلىك توپ دايىندىق ۇستىندە. اكتەرلىك شەبەرلىك پەن تريۋكتاردى ۇيرەنىپ، جاتتىعىپ جاتىر. بۇل الميرانىڭ دەبيۋتى. اللا جار بولسىن!" – دەيدى رەجيسەر اقان ساتاەۆ.
