الماتىدا 9 قاباتتان ءۇش بالاسىمەن بىرگە سەكىرىپ كەتىپ قازا بولعان ايەلدىڭ كۇيەۋى وتباسى جايلى ايتتى، دەپ حابارلايدى "ادىرنا" ۇلتتىق پورتالى ينفورمبيۋرو جاڭالىقتار سايتىنا سىلتەمە جاساپ.
«ءبىز باقىتتى ەدىك. بىراق جۇمىسسىز بولدىق. ايەلىم بالالارمەن ۇيدە وتىردى، مەن بازاردا ءارتۇرلى جۇمىستار ىستەدىم. وقيعا بولعان كەزدە ۇيدە جوق ەدىم. ايەلىم ەشتەڭە ايتقان جوق. الماتىدا التى جىلدان بەرى تۇرامىز، وتباسىمىزدا ءبارى دۇرىس ەدى.
«ءۇي جالداپ تۇراتىنبىز. جالاقى از. اتا-انام دا جۇمىسسىز، ولار شىمكەنتتە تۇرادى. ءبىلىم العان جوقپىن. الەۋمەتتىك كومەك بەرگەن جوق. كارانتين بولعان كەزدە سۇراعانبىز، بىراق بەرمەدى. ايەلىم بارلىق جەردەن الەۋمەتتىك كومەك سۇراعان. كومەكتەسپەدى. ءۇش بالام بار ەدى: كىشىسى 2 جاستا، 5 جاستا، 6 جاستا. قازىر مەنىڭ دە ءومىر سۇرگىم كەلمەيدى… «، – دەدى ول.
الماتىداعى «جەتىسۋ» ىقشام اۋدانىنداعى 9 قاباتتى ۇيلەردىڭ بىرىندە تۇراتىن 28 جاستاعى ايەل 9 قاباتتان سەكىرىپ، ءۇش بالاسىمەن بىرگە قازا بولعان. ول حات جازىپ قالدىرعان. وندا ەشكىمدى كىنالامايتىنى، ءومىر سۇرۋدەن شارشاعانىن جانە كىنالىلەر وزدەرى بىلەتىنىن جازعان.
"ادىرنا" ۇلتتىق پورتالى
