Almatyda 9 qabattan úsh balasymen birge sekirip ketip qaza bolǵan áıeldiń kúıeýi otbasy jaıly aıtty, dep habarlaıdy "Adyrna" ulttyq portaly Informbıýro jańalyqtar saıtyna silteme jasap.
«Biz baqytty edik. Biraq jumyssyz boldyq. Áıelim balalarmen úıde otyrdy, men bazarda ártúrli jumystar istedim. Oqıǵa bolǵan kezde úıde joq edim. Áıelim eshteńe aıtqan joq. Almatyda alty jyldan beri turamyz, otbasymyzda bári durys edi.
«Úı jaldap turatynbyz. Jalaqy az. Ata-anam da jumyssyz, olar Shymkentte turady. Bilim alǵan joqpyn. Áleýmettik kómek bergen joq. Karantın bolǵan kezde suraǵanbyz, biraq bermedi. Áıelim barlyq jerden áleýmettik kómek suraǵan. Kómektespedi. Úsh balam bar edi: kishisi 2 jasta, 5 jasta, 6 jasta. Qazir meniń de ómir súrgim kelmeıdi… «, – dedi ol.
Almatydaǵy «Jetisý» yqsham aýdanyndaǵy 9 qabatty úılerdiń birinde turatyn 28 jastaǵy áıel 9 qabattan sekirip, úsh balasymen birge qaza bolǵan. Ol hat jazyp qaldyrǵan. Onda eshkimdi kinálamaıtyny, ómir súrýden sharshaǵanyn jáne kináliler ózderi biletinin jazǵan.
"Adyrna" ulttyq portaly
