1 قىركۇيەكتەن باستاپ پرەزيدەنتتىك كادر رەزەرۆىنە كانديداتتاردى ىرىكتەۋدىڭ ەكىنشى كەزەڭى باستالادى. ونىڭ قورىتىندىسى بويىنشا مەملەكەتتىك سەكتور ءۇشىن 50 ادام تاڭداپ الىنادى. بۇل تۋرالى اقپاراتتىق كوممۋنيكاتسيالىق ورتالىقتا وتكەن بريفينگتە قر مەملەكەتتىك قىزمەت ىستەرى اگەنتتىگىنىڭ شىمكەنت قالاسى بويىنشا دەپارتامەنتىنىڭ باسشىسى ءالي كومەكباەۆ حابارلادى.
ءباسپاسوز ماجىلىسىندە اگەنتتىك باسشىسى ۇمىتكەرلەرگە قويىلاتىن نەگىزگى تالاپتارمەن تانىستىردى.
- پرەزيدەنتتىك كادر رەزەرۆىنە كانديداتتاردى ىرىكتەۋدىڭ ەكىنشى كەزەڭىنە قۇجاتتار ونلاين تۇردە قابىلدانادى. ال ۇمىتكەرلەرگە قويىلاتىن نەگىزگى تالاپتار بۇرىنعىداي قازاقستان رەسپۋبليكاسىنىڭ ازاماتى بولۋى ءتيىس، جاسى 35-تەن اسپاعان جوعارى ءبىلىمى بار جانە وڭبەك ءوتىلى 5 جىلدان كەم بولماۋى ءتيىس. بۇل جولى جاستار رەزەرۆتەرىنەن ءبىلىم مەن داعدىدان بولەك، قوعامداعى ماسەلەلەردەن حاباردار بولىپ، ونى شەشۋگە قىزىعۋشىلىق تانىتۋى جوعارى باعالانادى. مۇنان بولەك، ارنايى تاپسىرمالار بەرىلىپ، ۇمىتكەرلەردىڭ ءبىلىمى مەن بىلىگىنە باسىمدىق بەرىلەدى.،-دەدى ءالي امانتايۇلى.
سونداي-اق قر پارلامەنتى جانىنداعى مەملەكەتتىك باسقارۋ اكادەمياسى شىمكەنت قالاسى بويىنشا فيليالىنىڭ ديرەكتورى ادىلەت نىسانباەۆ كانديداتتاردىڭ مەملەكەتتىك ءتىلدى ءبىلۋ دەڭگەيىن راستايتىن سەرتيفيكاتتارى بولۋى كەرەكتىگىنە توقتالدى. ونىڭ ايتۋىنشا جاستاردىڭ دايىندىعىن پىسىقتاۋ ماقساتىندا اقىلى جانە تەگىن ونلاين كۋرستار ۇيىمداستىرىلادى.
