1 qyrkúıekten bastap Prezıdenttik kadr rezervine kandıdattardy irikteýdiń ekinshi kezeńi bastalady. Onyń qorytyndysy boıynsha memlekettik sektor úshin 50 adam tańdap alynady. Bul týraly Aqparattyq kommýnıkaııalyq ortalyqta ótken brıfıngte QR Memlekettik qyzmet isteri agenttiginiń Shymkent qalasy boıynsha departamentiniń basshysy Álı Kómekbaev habarlady.
Baspasóz májilisinde agenttik basshysy úmitkerlerge qoıylatyn negizgi talaptarmen tanystyrdy.
- Prezıdenttik kadr rezervine kandıdattardy irikteýdiń ekinshi kezeńine qujattar onlaın túrde qabyldanady. Al úmitkerlerge qoıylatyn negizgi talaptar burynǵydaı Qazaqstan Respýblıkasynyń azamaty bolýy tıis, jasy 35-ten aspaǵan joǵary bilimi bar jáne óńbek ótili 5 jyldan kem bolmaýy tıis. Bul joly jastar rezervterinen bilim men daǵdydan bólek, qoǵamdaǵy máselelerden habardar bolyp, ony sheshýge qyzyǵýshylyq tanytýy joǵary baǵalanady. Munan bólek, arnaıy tapsyrmalar berilip, úmitkerlerdiń bilimi men biligine basymdyq beriledi.,-dedi Álı Amantaıuly.
Sondaı-aq QR Parlamenti janyndaǵy Memlekettik basqarý akademııasy Shymkent qalasy boıynsha fılıalynyń dırektory Ádilet Nysanbaev kandıdattardyń memlekettik tildi bilý deńgeıin rastaıtyn sertıfıkattary bolýy kerektigine toqtaldy. Onyń aıtýynsha jastardyń daıyndyǵyn pysyqtaý maqsatynda aqyly jáne tegin onlaın kýrstar uıymdastyrylady.
