30- تامىز قازاقستان رەسپۋبليكاسى كونستيتۋتسياسىنىڭ قابىلدانعانىنا 26 جىل تولدى. وسىعان وراي شاھارىمىزدا ءتۇرلى نىساندار ەل يگىلىگىنە بەرىلۋدە. سونىڭ ءبىرى - شىمكەنتتەگى بوزارىق قوسالقى ستانتسياسى.
سالتاناتى ءىس-شاراعا قالا اكىمى مۇرات ايتەنوۆ، باسقارما باسشىلىعى مەن ەنەرگەتيكا سالاسىنىڭ ارداگەرلەرى قاتىستى.
– بارشاڭىزدى 30 تامىز –كونستيتۋتسيا كۇنىمەن قۇتتىقتايمىن! وسى مەرەكە كۇنى بوزارىق قوسالقى ستانتسياسىن ىسكە قوسقالى وتىرمىز. شاھار ينفراقۇرىلىمى ءۇشىن ماڭىزدى نىسان مەملەكەت باسشىسىنىڭ تاپسىرماسى اياسىندا جۇزەگە اسىرىلدى. وسىلايشا قالاداعى ەلەكتر ەنەرگياسىمەن قامتاماسىز ەتۋ ماسەلەسىن الداعى ۋاقىتتا تولىق شەشەمىز. ەل قۋاتى ارتىپ، شىمكەنت قالاسى دامي بەرسىن! – دەدى مۇرات دۇيسەنبەكۇلى.
قالا اكىمى بۇدان كەيىن ارنايى تەتىكتى باسىپ، قوسالقى ستانتسيانىڭ جۇمىسىن ىسكە قوستى.
ايتا كەتەيىك، الداعى ۋاقىتتا بۇل ەلەكتر ستانتسياسىنا «ءنۇرسات»، «استانا-1»، «استانا-2»، «1-م-1» جانە «ىنتىماق» سەكىلدى 5 قوسالقى ستانتسيا قوسىلىپ، ەلەكتر ەنەرگياسىن الادى.
ناتيجەسىندە قالانىڭ سولتۇستىك بولىگىندە ورنالاسقان اسار-2, تۇران، ىنتىماق-2, سولتۇستىك ساياجاي، باتىس، بوزارىق، قايناربۇلاق، شىمكەنت سيتي مەن دوستىق جانە ءنۇرسات، بارلىعى 10 شاعىناۋدانداعى 250 مىڭعا جۋىق تۇرعىندى ساپالى ەلەكتر قۋاتىمەن قامتۋعا مۇمكىندىك تۋادى.
