قوعامدىق كەلىسىم كەڭەستەرى تاتۋلىقتى كوزدەيدى

1038

اقتوبە وبلىستىق قازاقستان حالقى اسسامبلەياسى جانىندا 156 قوعامدىق كەلىسىم كەڭەسى جۇمىس جاسايدى. اتاپ ايتساق، ونىڭ ىشىندە بىرەۋى — وبلىستىق، 4-ەۋى — قالالىق، 12-ءسى — اۋداندىق، 138-ءى — اۋىلدىق. سونداي-اق ءبىر ءوندىرىس ورنىندا قوعامدىق كەلىسىم كەڭەسى بار. جالپى، بۇلاردىڭ قۇرامىندا 1134 مۇشە تىركەلگەن.

اقتوبە وبلىستىق قازاقستان حالقى  اسسامبلەياسى  جانىنداعى كەڭەستەر قىزمەتىن ىسكە اسىرۋ ءبولىمىنىڭ ساراپشى مامانى تۇلكىباي ساپاروۆتىڭ ايتۋىنشا، قوعامدىق كەلىسىم كەڭەسىنىڭ باستى مىندەتى — وڭىردەگى تۇراقتىلىقتى، ەتنوسارالىق جانە كونفەسسياارالىق كەلىسىمدى نىعايتۋ جانە ساقتاۋ ماقساتىنداعى جۇمىستاردى ۇيلەستىرە وتىرىپ، قوعامعا قىزمەت ەتۋ.

— بۇكىلقازاقستاندىق  بىرلىكتىڭ  بىرەگەي  مودەلىن  قالىپتاستىرۋدا ەلىمىزدە قازاقستان حالقى  اسسامبلەياسى ماڭىزدى  ءرول  اتقارىپ  كەلەدى. ونىڭ ىشىندە اقتوبە وبلىسىندا قازاقستان حالقى اسسامبلەياسى 1998 جىلدان بەرى جۇمىس جاساپ كەلەدى.

كوپەتنوستى  قازاقستان  ءۇشىن  تۇراقتىلىقتى،  ەتنوسارالىق  كەلىسىمدى  قامتامسىز  ەتۋ — مەملەكەتتىك  ساياساتتىڭ  ماڭىزدى  باسىمدىقتارىنىڭ  ءبىرى،  الەۋمەتتىك – ەكونوميكالىق  جانە  ساياسي  رەفورمالاردى  جۇرگىزۋدىڭ  نەگىزگى  مىندەتى.

قازاقستان  حالقى  اسسامبلەياسىنىڭ  نەگىزگى تىرەگى – ەتنومادەني  بىرلەستىكتەر.  باستاپقىدا  ولار  ۇلتتىق  جاندانۋ  پروتسەسستەرىن  ەڭسەرىپ،  ءاربىر  ەتنوستىڭ مادەني  قۇندىلىقتارى مەن  سالت-ءداستۇر،  ءتىلى مەن  ءدىنىنىڭ  دارىپتەلۋىن  كوزدەدى.  بۇل  ماقساتتى  ولار  ءساتتى  ىسكە   اسىردى دەپ ايتۋعا  بولادى.  ويتكەنى  مەملەكەت  تاراپىنان  قولداۋ  مەن  كومەك  جەتكىلىكتى  بولدى. بۇگىنگى  تاڭدا  وبلىستا  16  ەتنومادەني بىرلەستىك جۇمىس ىستەيدى. بيىل جىل باسىنان بەرى ەتنومادەني بىرلەستىكتەر 108 شارا وتكىزىپ، وعان 2539 ادام قاتىستى، — دەيدى ول.

تۇلكىباي ساپاروۆتىڭ ايتۋىنشا، بيىلعى جىلدىڭ 9  ايىندا اقتوبە وبلىستىق قازاقستان حالقى  اسسامبلەياسى جانىنداعى قوعامدىق كەلىسىم كەڭەسى 484 شارا وتكىزىپ، وعان وبلىستىڭ 6186 تۇرعىنى قاتىسقان.

بۇگىندە قوعامدىق كەلىسىم كەڭەسى جانىندا 153 انالار كەڭەسى قىزمەت اتقارۋدا. ونىڭ 942 مۇشەسى بار. انالار كەڭەسى بارلىق اۋدان مەن اۋىلدىق وكرۋگتەردە قۇرىلىپ، ءوز قىزمەتىن ۇيلەستىرىپ جۇرگىزۋدە. انالار كەڭەسى مۇشەلىگىندە پەداگوگتار، مەكەمە باسشىلارى، بەلسەندى زەينەتكەرلەر، جەكە كاسىپكەرلەر، ءۇي شارۋاسىنداعى انالار، ەتنومادەني بىرلەستىكتەردىڭ مۇشەلەرى، مەدياتورلار بار.

مەملەكەت باسشىسىنىڭ تاپسىرمالارىن ىسكە اسىرۋ اياسىندا انالار كەڭەسىنىڭ قىزمەتى تەڭدەستىرىلگەن ەتنوسارالىق قاتىناستى قالىپتاستىرۋعا باعىتتالاتىن بولادى.انالار كەڭەسىنىڭ ماقساتى — «رۋحاني جاڭعىرۋ» جالپىۇلتتىق باعدارلاماسىن، قازاق حالقىنىڭ سالت-داستۇرلەرىن، مادەنيەتىن ناسيحاتتاۋمەن قاتار جاستارعا رۋحاني-ادامگەرشىلىك تاربيە بەرۋ، ۇلتتىق قۇندىلىقتاردى بويلارىنا ءسىڭىرۋ، ۇرپاق بويىنا قازاقستاندىق ءپاتريوتيزمدى تاربيەلەۋ، ازقامتىلعان جانە كوپبالالى وتباسىلارعا قايىرىمدىلىق كومەك بەرۋدى ۇيىمداستىرۋ، وتباسىنداعى زورلىق-زومبىلىقتىڭ الدىن الۋ. بيىل جىل باسىندا ەل تاۋەلسىزدىگىنىڭ 30 جىلدىعىنا وراي انالار كەڭەسىنىڭ ۇيىمداستىرۋىمەن «تاۋەلسىز ەلدىڭ ارۋ انالارى» اتتى قوعامدىق-ساياسي ءىس-شارا وتكىزىلدى. اتالعان ءىس-شارادا ەلىمىزدىڭ وسى كۇنگى جەتىستىگىن ايتۋ، بويلارىندا ۇلتتىق رۋحى، وتانعا، ەلىنە دەگەن پاتريوتتىق سەزىمى قالىپتاسقان انالاردى بولاشاق ۇرپاققا ۇلگى ەتۋ، تاريحىمىزدى تانىتۋ بولدى. ءىس-شاراعا 150-دەن استام ادام قاتىستى. سونداي-اق انالار كەڭەسىنىڭ ۇيىمداستىرۋىمەن ZOOM پلاتفورماسىندا قازاقستان حالقىنىڭ بىرلىگى كۇنىنە وراي «ءبىر شاڭىراق استىندا» قوعامدىق-ساياسي ءىس-شاراسى جۇزەگە اسىرىلدى. سونىمەن قاتار وبلىستىق انالار كەڭەسىنىڭ توراعالارىنىڭ قوعامدىق قابىلداۋلار جۇرگىزىلدى. ءىس-شارا بارىسىندا انالار كەڭەسىنىڭ توراعاسى مەن كەڭەس مۇشەلەرى از قامتىلعان وتباسىلارمەن كەزدەسىپ، كەڭەس-ناسيحات وتكىزدى. قابىلداۋلار شالقار، العا، ويىل، ىرعىز اۋداندارىندا جانە اقتوبە قالاسىندا ءوتتى، — دەيدى ساراپشى مامان.

قازاقستان حالقى اسسامبلەياسى قىزمەتىنىڭ ءبىر باعىتى – مەدياتسيانى دامىتۋ. بيىل «قوعامدىق قارىم-قاتىناس سالاسىندا مەدياتسيانى دامىتۋ» باعىتى بويىنشا ايتەكە بي، مۇعالجار، تەمىر، اۋداندارىندا سەمينار-كەڭەستەر ۇيىمداستىرىلسا، اقتوبە قالاسىنداعى جوعارى وقۋ ورىندارى مەن مەكتەپتەردە 60 دوڭگەلەك ۇستەل وتكىزىلدى. جالپى مەدياتسيا قىزمەتىنە حالىقتىڭ سۇرانىسى ارتىپ كەلەدى. بيىل وسى ماقساتتا وتكىزىلگەن شاراعا وبلىستىڭ 1261 تۇرعىنى قاتىسقان.

تۇلكىباي ساپاروۆتىڭ ايتۋىنشا، اقتوبە وبلىسىندا «قوعامدىق كەلىسىم» مەكەمەسى جانىنان قۇرىلعان «جاڭعىرۋ جولى» جاستار قوزعالىسىنىڭ وڭىرلىك شتابى ۇزدىكسىز جۇمىس جاسايدى. بۇل قوزعالىستىڭ بەلسەندىلەرى قوعامدىق جۇمىستارمەن جانە قايىرىمدىلىقپەن اينالىسادى.

«جاڭعىرۋ جولى» جاستار قوزعالىسى جۇمىسىنىڭ باسىم باعىتتارىنىڭ ءبىرى — جاستار ۇيىمدارىن شوعىرلاندىرۋ. بۇل وڭىردەگى جاستار ۇيىمدارىنىڭ قاتىسۋىمەن ەتنوسارالىق قاتىناستار سالاسىنداعى بىرلىك پەن كەلىسىمدى ساقتاۋعا باعىتتالعان بىرلەسكەن الەۋمەتتىك جوبالاردى ىسكە اسىرۋعا مۇمكىندىك بەرەدى. سونىڭ ناتيجەسىندە بيىل قوزعالىستىڭ باستاماسىمەن 23 شارا وتكىزىلىپ، وعان 709 ادام قاتىسقان.

— قازاقستان رەسپۋبليكاسىنىڭ تاۋەلسىزدىگىنىڭ 30 جىل تولۋىنا بايلانىستى «30 يگى ءىس» قايىرىمدىلىق اكتسياسىنا اقتوبە وبلىسى قازاقستان حالقى اسسامبلەياسىنىڭ جانىنداعى ەتنومادەني بىرلەستىكتەردىڭ وكىلدەرى بەلسەنە قاتىسىپ جاتىر. ماسەلەن،

 9 ايدىڭ ىشىندە 6 591 400 تەڭگە كولەمىندە قايىرىمدىلىق كورسەتىلدى. اتاپ ايتساق، «ءازىربايجاندار قاۋىمداستىعىنىڭ» مۇشەلەرى جاتاقحانادا تۇرىپ جاتقان جالعىزباستى انانىڭ بولمەسىنە 2 000 000 تەڭگە كولەمىندە جوندەۋ جۇمىستارىن جۇرگىزىپ بەرسە،  ەۆرەيلەردىڭ «شالوم» ەتنومادەني بىرلەستىگىنىڭ مۇشەلەرى تىل ارداگەرلەرى س.ۆانشتەين مەن ن.تريليكوۆسكاياعا 16 000 تەڭگە كولەمىندەگى ازىق-تۇلىك پاكەتتەرىن ۇسىندى.

ريددەر قالاسىندا بولعان ءورت سالدارىن زارداپ شەگىپ، باسپاناسىز قالعان وتباسىلارعا كومەك كورسەتۋگە باعىتتالعان «ريددەر، ءبىز بىرگەمىز!» اكتسياسى اياسىندا «اقتوبە وبلىسى كارىستەر قاۋىمداستىعى» بىرلەستىك توراعاسى ك.تسحاي جانە «ۋرارتۋ» ارميان قاۋىمداستىعى» بىرلەستىك توراعاسى گ.تەرتەريان 50 000 تەڭگەدەن، «ەللادا» ەتنومادەني بىرلەستىگىنىڭ  توراعاسى ي.كوزموۆ 20 000 تەڭگە كولەمىندە اقشالاي كومەك كورسەتتى، —دەيدى مامان.

سونداي-اق جاڭا وقۋ جىلىندا بىرلەستىك مۇشەلەرى «مەكتەپكە جول» اكتسياسىنا قاتىسىپ، 20 وقۋشىعا ماتەريالدىق كومەك كورسەتكەن. جىل سوڭىنا دەيىن قوعامدىق كەلىسىم كەڭەستەرى ەل تاۋەلسىزدىگىنىڭ 30 جىلدىعىنا وراي تاعى بىرقاتار باستامالاردى جۇزەگە اسىرماق. 

 

داناگۇل بايمۇقاش،

«ادىرنا» ۇلتتىق پورتالى.

 

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket