شىمكەنتتىك تەمىرجولشىلاردىڭ ايلىعى 10 پايىزعا كوتەرىلدى

1832
Adyrna.kz Telegram

«شىمكەنت قالاسى كاسىپوداقتار ورتالىعى» اۋماقتىق كاسىپوداقتار بىرلەستىگىنىڭ توراعاسى باۋىرجان التەەۆ شىلدە ايىنان باستاپ شىمكەنتتىك تەمىرجولشىلاردىڭ ەڭبەكاقىسى 10 پايىزعا وسىرىلگەنىن ءمالىم ەتتى، دەپ حابارلايدى قازاقپارات ءتىلشىسى.
باۋىرجان التەەۆتىڭ جەرگىلىكتى باق وكىلدەرىمەن وتكەن بريفينگىدە ايتقان مالىمەتىنە سۇيەنسەك، «قازاقستان تەمىر جولى» ۇلتتىق كومپانياسىنا قاراستى شىمكەنت ماگيسترالدىق جەلى بولىمشەسىنىڭ قىزمەتكەرلەرىنىڭ ايلىعىن 1 شىلدەدەن باستاپ 10%-عا كوتەرۋ تۋرالى شەشىم قابىلدانعان. «كولىك قىزمەتكەرلەرى كۇنىنە» وراي كەم دەگەندە 42500 تەڭگە كولەمىندە سىياقى تولەندى. سونداي-اق، جەلتوقسان ايىندا تاۋەلسىزدىكتىڭ 30 جىلدىعىنا وراي 1 اەك (42500 تەڭگە) مولشەرىندە سىياقى تولەنەدى. 2021-2023 جىلدارعا جاسالعان جاڭا ۇجىمدىق شارتقا وزگەرىستەر ەنگىزىلدى. 2021 جىلعى ماۋسىمنان باستاپ ستانتسيالاردا، رازەزدەردە، جاقىن ماڭداعى اۋىلدىق وكرۋگتەردە تۇراتىن جانە وسى ستانتسيالار مەن رازەزدەردە جۇمىس ىستەيتىن قىزمەتكەرلەرگە قوسىمشا اقى تولەنىپ جاتىر»، - دەدى كاسىپوداق باسشىسى.

 

پىكىرلەر