شىمكەنتتە ۆەتەريناريالىق قىزمەتتىڭ جۇمىسى باياندالدى

1515
Adyrna.kz Telegram

«اntikor ortalyǵy» الاڭىندا تىكەلەي ەفيردە ۆەتەريناريالىق قىزمەتىنىڭ ديرەكتورى ن.زەينوللا مەكەمەنىڭ قىزمەتى مەن اۋىل شارۋاشىلىعى جانۋارلارىن بىردەيلەندىرۋ ماقساتىندا اتقارىلعان جۇمىستارمەن تانىستىردى.

ەفير بارىسىندا سپيكەر 24 ءتۇرلى اۋرۋلارعا قارسى پروفيلاكتيكالىق ەكپە جانە دياگنوستيكالىق زەرتتەۋلەر جۇرگىزىلىپ وتىرعاندىعىنان حاباردار ەتتى.
ونىڭ ايتۋىنشا، قالا تۇرعىندارىنان قاڭعىباس يت، مىسىقتار بويىنشا كوپ وتىنىشتەر كەلىپ تۇسەدى. ۇستالعان يت پەن مىسىقتار ابدۋل- اباد ەلدى مەكەنىندە ۋاقىتشا وقشاۋلاۋ ورتالىعىندا 3 كۇن ۇستالىنادى. ونىڭ يەسى ىزدەستىرىلەدى، ەگەر تابىلعان جاعدايدا ۆەتەريناريالىق قۇجاتتارى كورسەتىلىپ، جانۋارلارىن الىپ كەتە الادى. سونداي-اق، بىردەيلەندىرۋ جۇمىستارى، تولدەرىنە سىرعا سالۋ جانە دە ەپيزوتياعا قارسى ەكپە جۇمىستارى جۇرگىزىلەدى.

اۋىلشارۋاشىلىعى جانۋارلارىن بىردەيلەندىرۋ جايىنا توقتالعان نۇرسۇلتان زەينوللا اتالعان سالادا ۆەتەريناريا سالاسىن تسيفرلاندىرۋ جوباسىن جۇزەگە اسىرۋ جوسپارلانعاندىعىنان حاباردار ەتتى.

سپيكەردىڭ ايتۋىنشا كوپشىلىك تۇرعىندار ساتىپ العان نەمەسە بەلگىلى سەبەپتەرمەن سويعان مالى تۋرالى كەزىندە تۇرعىلىقتى جەردەگى ۆەتەرينار ماماندارعا حابار بەرمەگەندىكتەن، ۋاقىتىلى كىرىس-شىعىس ەسەبى جۇرگىزىلمەۋ سالدارىنان بۇگىنگى تاڭدا، ستاتيستيكالىق مالىمەت پەن دەرەكقور بازاسىنداعى ايىرماشىلىقتاردى ءبىر جۇيەگە كەلتىرۋدە قيىندىقتار تۋىنداۋدا. ال جاڭا جۇيە سول ولقىلىقتاردىڭ الدىن الىپ، ۇيدەن شىقپاي-اق، قاجەتتى كۋالىكتى الۋعا مۇمكىندىك بەرەدى. جوبانىڭ ارتىقشىلىعى – ۆەتەريناريا ماماندارىنا جانە قالا تۇرعىندارىنا تسيفرلىق تەحنولوگيالار قولدانۋمەن ەلەكتروندى قىزمەتتەر كورسەتىلەدى. ەلەكتروندى ءوتىنىش ءموبيلدى پلاتفورما ارقىلى بەرىلسە، تىكەلەي قارىم-قاتىنىستى تۋدىرماي، پلاتفورما قولدانۋ ارقىلى وپەراتسيالاردى جۇرگىزگەن – سىبايلاس جەمقورلىقپەن كۇرەس بولىپ تابىلادى.
سونداي-اق، ۆەتەريناريالىق قىزمەت باسشىسى اتالعان سالاعا قاتىستى سۇراقتار تۋىنداعان جاعدايدا 8(7252) 450505 جانە 450522 تەلەفوندارى جانە الەۋمەتتىك جەلىدەگى (vet_sluzhba, vet_qyzmet_shymkent) پاراقشالارى ارقىلى اقپارات الۋعا بولاتىندىعىن جەتكىزدى.

سونداي-اق، ەفيردى جۇرگىزگەن «شىمكەنت-ادالدىق الاڭى» جوبالىق كەڭسەسىنىڭ باسشىسى ج.قامبار اگەنتتىكپەن اۋىل شارۋاشىلىعى سالاسىندا تالداۋ جۇرگىزىلگەندىگىنەن حاباردار ەتتى.

پىكىرلەر