شىمكەنت قالاسىنداعى «وڭتۇستىك» ارنايى ەكونوميكالىق ايماعىندا تاعى ءبىر جاڭا كاسىپورىن اشىلماق. وتكەن اپتاداعى ينۆەستيتسيالىق شتابتا جاڭا جوبا تانىستىرىلىپ، نەگىزگى ماسەلەلەرى تالقىلاندى.
«تاراز-INTERSERCO» جشس اق كيىم شىعارۋدى قولعا الدى. ول ءۇشىن ارنايى ايماقتان 1 گەكتار جەر بەرىلدى. ينۆەستيتسيالىق جوبانىڭ قۇنى – 400 ملن تەڭگە. جىلىنا 150 مىڭ اياق كيىم تىگۋدى جوسپارلاپ وتىر. شىعارىلعان ءونىم تولىعىمەن ىشكى نارىقتى قامتيتىن بولادى.
كاسىپورىن ىسكە قوسىلعان ساتتە 60 ادامدى جۇمىسپەن قامتىماق. بۇگىنگى تاڭدا ينۆەستور تاراپىنان بارلىق قاجەتتى قۇرال-جابدىقتار الىنعان. ۆەتنامدىق كاسىپكەرلەرمەن سەرىكتەستىك ورناتۋ، قۇجاتتاردى راسىمدەۋ جۇمىستارى جۇرگىزىلۋدە.
شتابتا جەر مەن ينفراقۇرىلىم، ەكونوميكالىق ايماقتىڭ جەڭىلدىكتەرىن ۇيىمداستىرۋ تۇرعىسىندا مەملەكەتتىك قولداۋ كورسەتىلەتىن بولىپ شەشىم قابىلداندى.
