The New York Times: رەسەي جاقىندا ۋكرايناعا باسىپ كىرەدى

2624
Adyrna.kz Telegram

اقش بارلاۋ قىزمەتى ەۋروپالىق وداقتاستارعا رەسەيدىڭ ۋكراينادا سوعىس قيمىلدارىن باستاۋىنا جول بەرمەۋگە "از عانا ۋاقىت" قالعانىن ەسكەرتتى، دەپ حابارلايدى The New York Times اقپارات كوزدەرىنە سىلتەمە جاساپ.

باسىلىمنىڭ جازۋىنشا، رەسەي "ۋكراينا شەكاراسىندا جينالعان" اسكەرلەرىمەن نە ىستەيتىنىن ءالى شەشپەگەن. دەگەنمەن اقش بارلاۋ قىزمەتكەرلەرى "شاپقىنشىلىق" قاۋپىن بايىپپەن قابىلدايدى جانە ونى بلەف دەپ سانامايدى.

وسىعان بايلانىستى  The New York Times  اقش ەۋروپالىق ەلدەردى ماسكەۋدى تەجەۋ ء​​ۇشىن ەكونوميكالىق جانە اسكەري شارالار پاكەتىن ازىرلەۋدە ىنتىماقتاستىققا يتەرمەلەپ وتىرعانىن جازدى. اتاپ ايتقاندا، اقش ۇلتتىق بارلاۋ باسقارماسىنىڭ باسشىسى ەۆريل حەينس وسى اپتادا بريۋسسەلگە باردى، ۆاشينگتون دا ۋكراينامەن بارلاۋ مالىمەتتەرىن ءبولىستى.

اقش شەنەۋنىكتەرى وداقتاستارىنا رەسەي بيلىگى فرانتسيا مەن گەرمانيا 2014 جىلى قىرىم رەسەيدىڭ قۇرامىنا ەنگەننەن كەيىن جانە ۋكراينانىڭ شىعىسىندا قارۋلى قاقتىعىس باستالعاننان كەيىن باستاعان بەيبىت ۇدەرىستەن كوڭىلى قالعانىن ايتتى. بىرقاتار بۇرىنعى اقش شەنەۋنىكتەرىنىڭ پىكىرىنشە، ماسكەۋ مويىندالماعان دونباسس پەن قىرىم رەسپۋبليكالارى اراسىندا قاۋىپسىز قۇرلىق ءدالىزىن ۇسىنۋى مۇمكىن.

ايتا كەتۋ كەرەك، بيىلعى قازان ايىنىڭ سوڭىنان بەرى باق رەسەيدىڭ ۋكراينانىڭ شەكاراسىندا اسكەري كۇشتەرىن جيناقتاپ جاتقانى تۋرالى حابارلاي باستادى.

ال Politico گازەتى سپۋتنيكتەن تۇسىرىلگەن سۋرەتتەردى جاريالادى. ولار ۋكراينانىڭ شەكاراسىنان 250 شاقىرىمداي جەردە سمولەنسك وبلىسىنداعى ەلنيا قالاسىنىڭ ماڭىندا رەسەي قارۋلى كۇشتەرىنىڭ تانكتەرىنىڭ جيناقتالعان جەرىن ءتۇسىرىپ العان.

 

"ادىرنا" ۇلتتىق پورتالى.

پىكىرلەر