ەكى جىلدان كەيىن شىمكەنتتە اۋىز سۋ ماسەلەسى تولىعىمەن شەشىمىن تابادى. بۇگىندە شاھارداعى بەس ەلدىمەكەن حالقى تاسىمالداناتىن سۋمەن قامتىلىپ وتىر، ال جەتى ۋچاسكەدە تىرشىلىك ءنارى كەستە بويىنشا بەرىلەدى.
بۇگىندە قالادا سۋ قۇبىرىن تارتۋ جۇمىستارى جالعاسۋدا. ناتيجەسىندە جىل سوڭىنا دەيىن مىڭداعان جەرگىلىكتى تۇرعىن اۋىز سۋعا قول جەتكىزەدى.
«قۇرساي» شاعىناۋدانى تۇرعىندارىنىڭ ۇيلەرىنە سۋ قۇبىرى 1 جىلدان سوڭ تولىقتاي تارتىلادى دەپ كۇتىلۋدە. بيىل مەردىگەرلەر ميللياردتان استام تەڭگەنى يگەرۋدى جوسپارلاپ وتىر. بۇگىندە قۇبىرلار جۇرگىزىلۋدە.
رۋسلان جاقىپلۆ، مەردىگەر كومپانيا قىزمەتكەرى: «بىزگە بەرىلگەن سوماسى 747 ميلليون 1 جىلعا. وسى جىلدىڭ سوڭىنا دەيىن جۇزەگە اسىرى ۇلگەرەمىز. بۇل جەردە 747 ميلليون «قۇرساي – 1» پروەكتى بويىنشا. ەكىنشىسى، «قۇرساي-2″. بۇل جەرگە 700 ميلليون تەڭگە ءبولىنىپ تۇر وسى جىلعا. ەكەۋىن قوسقان كەزدە 1 ملرد 447 ميلليون تەڭگە».
بۇل جاڭا سۋ قابىلداۋ ستانتسياسىنىڭ قۇرىلىسى جۇرگىزىلگەن نىسان. جۇمىستى گاز قۇبىرىنا جاقىن قاۋىپتىلىككە بايلانىستى توقتاتۋعا تۋرا كەلگەن. بيلىك باسقا جەر تەلىمىن بەرىپتى. قۇرىلىسشىلار بۇل تاپسىرۋ مەرزىمىنە ەش اسەر ەتپەيدى دەپ سەندىرەدى.
رۋسلان جاقىپوۆ، مەردىگەر كومپانيا قىزمەتكەرى:» بەرگەن مىنە، قازىقتار قاعىلىپ تۇر. رەپەرمەن كەلگەن وسى كووردينات قاعاز بويىنشا ەشتەڭە جوق دەپ كورسەتىلگەن. سوندىقتان، ءبىز ءوزىمىزدىڭ جۇمىسىمىزدى باستاپ كەتتىك ىستەيمىز دەپ. بىراق باستاپ كەتكەندە وسىنداي سيتۋاتسياعا تۇسەمىز دەپ ويلاعان جوقپىز. وسى جەردەن 100-250-لىك گاز ءوتىپ جاتىر. مىنانىڭ جانىندا تاعى دا ءوتىپ جاتىر 500-دىك ترۋبامەن «كازترانسگازدىڭ» ايتۋى بويىنشا».
كوممۋنالدىق قىزمەتكەرلەر نىسان جۇمىسى ۇزاققا سوزىلمايدى دەپ وتىر. سۋ تاراتۋ ستانتسياسى ءۇشىن بوس جەر ۋچاسكەسى 10 مەتر قاشىقتىقتا ورنالاسقان. سوندىقتان قوسىمشا قاراجات قاجەت ەمەس.
بورانباي بولاتبەكوۆ، شىمكەنت قالالىق ەنەرگەتيكا جانە ينفراقۇرىلىمدى دامىتۋ باسقارماسىنىڭ باسشىسى: «قالامىزدا 81 ەلدىمەكەن ىشىندە 69 ەلدىمەكەن ساپالى اۋىز سۋمەن قامتىلىپ وتىر. ال ەندى 5 ەلدىمەكەن كەستەمەن ءىشىپ وتىر. جانە 7 ەلدىمەكەن تاسىمالدى اۋىز سۋمەن قامتاماسىز ەتىلۋدە. اتالعان ەلدىمەكەندەردى اۋىز سۋمەن قامتاماسىز ەتۋ ءۇشىن 14 نىسان جۇمىس اتقارىپ جاتىرمىز. 14-ءتىڭ ىشىندە 3 ماگيسترالدىق لينيا، 11 ىشكى ورامدىق قۇرىلىمدىق جۇيەسى ءجۇرىپ جاتىر».
