Eki jyldan keıin Shymkentte aýyz sý máselesi tolyǵymen sheshimin tabady. Búginde shahardaǵy bes eldimeken halqy tasymaldanatyn sýmen qamtylyp otyr, Al jeti ýchaskede tirshilik nári keste boıynsha beriledi.
Búginde qalada sý qubyryn tartý jumystary jalǵasýda. Nátıjesinde jyl sońyna deıin myńdaǵan jergilikti turǵyn aýyz sýǵa qol jetkizedi.
«Qursaı» shaǵynaýdany turǵyndarynyń úılerine sý qubyry 1 jyldan soń tolyqtaı tartylady dep kútilýde. Bıyl merdigerler mıllıardtan astam teńgeni ıgerýdi josparlap otyr. Búginde qubyrlar júrgizilýde.
Rýslan Jaqyplv, merdiger kompanııa qyzmetkeri: «Bizge berilgen somasy 747 mıllıon 1 jylǵa. Osy jyldyń sońyna deıin júzege asyry úlgeremiz. Bul jerde 747 mıllıon «Qursaı – 1» proekti boıynsha. Ekinshisi, «Qursaı-2″. Bul jerge 700 mıllıon teńge bólinip tur osy jylǵa. Ekeýin qosqan kezde 1 mlrd 447 mıllıon teńge».
Bul jańa sý qabyldaý stanııasynyń qurylysy júrgizilgen nysan. Jumysty gaz qubyryna jaqyn qaýiptilikke baılanysty toqtatýǵa týra kelgen. Bılik basqa jer telimin beripti. Qurylysshylar bul tapsyrý merzimine esh áser etpeıdi dep sendiredi.
Rýslan Jaqypov, merdiger kompanııa qyzmetkeri:» Bergen mine, qazyqtar qaǵylyp tur. Repermen kelgen osy koordınat qaǵaz boıynsha eshteńe joq dep kórsetilgen. Sondyqtan, biz ózimizdiń jumysymyzdy bastap kettik isteımiz dep. Biraq bastap ketkende osyndaı sıtýaııaǵa túsemiz dep oılaǵan joqpyz. Osy jerden 100-250-lik gaz ótip jatyr. Mynanyń janynda taǵy da ótip jatyr 500-dik trýbamen «KazTransGazdyń» aıtýy boıynsha».
Kommýnaldyq qyzmetkerler nysan jumysy uzaqqa sozylmaıdy dep otyr. Sý taratý stanııasy úshin bos jer ýchaskesi 10 metr qashyqtyqta ornalasqan. Sondyqtan qosymsha qarajat qajet emes.
Boranbaı Bolatbekov, Shymkent qalalyq energetıka jáne ınfraqurylymdy damytý basqarmasynyń basshysy: «Qalamyzda 81 eldimeken ishinde 69 eldimeken sapaly aýyz sýmen qamtylyp otyr. Al endi 5 eldimeken kestemen iship otyr. Jáne 7 eldimeken tasymaldy aýyz sýmen qamtamasyz etilýde. Atalǵan eldimekenderdi aýyz sýmen qamtamasyz etý úshin 14 nysan jumys atqaryp jatyrmyz. 14-tiń ishinde 3 magıstraldyq lınııa, 11 ishki oramdyq qurylymdyq júıesi júrip jatyr».
