«تاۋەلسىزدىك جىلدارىنداعى قۇرمەتتى ازاماتتار كورمەسى»

1926
Adyrna.kz Telegram

شىمكەنت قالاسىنىڭ «قۇرمەتتى ازاماتى» اللەياسىندا «تاۋەلسىزدىك جىلدارداعى قۇرمەتتى ازاماتتارى» اتتى كورمە ۇيىمداستىرىلدى. قالانىڭ دامۋىنا، وركەندەۋىنە ءوز ۇلەستەرىن قوسىپ، ءار سالادا ەڭبەگىمەن جەتىستىكتەرگە جەتىپ، حالىقتىڭ قۇرمەتىنە يە بولعان ۇزدىكتەردىڭ، قوعام قايراتكەرلەرىنىڭ، دارا تۇلعالاردىڭ ەسىمدەرىن جاستار اراسىندا ناسيحاتتاۋ شارانىڭ باستى ماقساتى.

تاۋەلسىزدىك جىلدارىندا 139 ءار سالادا ەڭبەگى ەلەنگەن قالا تۇرعىنىنا «قۇرمەتتى ازامات» مارتەبەسى بەرىلگەن.
سونداي تۇلعالاردىڭ ءبىرى –ارداگەر ۇستاز، ءوز عۇمىرىن ءبىلىم سالاسىنا ارناعان جۇزباەۆا نابيرا جۇزبايقىزى. ءىس-شارا بارىسىندا ارداگەر ۇستازدىڭ ءومىر دەرەگى جاستارعا تانىستىرىلدى. جاستارمەن سىر سۇحبات جۇرگىزىلدى. شارانى ۇيىمداستىرۋشىلار الداعى ۋاقىتتا دا ەڭبەگى ەلەنگەن تۇلعالارمەن كەزدەسۋلەر مەن ولارعا قۇرمەت كورسەتۋ جالعاسىن تابادى دەيدى. ايتا كەتەيىك، بۇگىندە شىمكەنت قالاسى ءبىلىم سالاسىنداعى باسشىلىق قىزمەتتە بولعان 104 ارداگەر ۇستاز بار. ونىڭ 8-ءى شىمكەنت قالاسىنىڭ «قۇرمەتتى ازاماتى».

شىمكەنت قالاسى ءبىلىم باسقارماسىنىڭ ءباسپاسوز قىزمەتى

پىكىرلەر