بۇگىن اقپاراتتىق-كوممۋنيكاتسيالىق ورتالىعىندا شىمكەنت قالالىق «جاستار رەسۋرستىق ورتالىعى» كمم-ءنىڭ باسشىسى ەرلان ايتباەۆ پەن اقىن، «دارىن» سىيلىعىنىڭ يەگەرى ءبىرجان بايتۋوۆتىڭ قاتىسۋىمەن بريفينگ ءوتتى. ءباسپاسوز ماجىلىسىندە ەرلان سادىربايۇلى رەسپۋبليكالىق دەڭگەيدە وتەتىن بايقاۋ تۋرالى حابارلادى.
– قر تاۋەلسىزدىگىنىڭ 30 جىلدىعىنا وراي «تاۋەلسىزدىك – بابالار اماناتى» اتتى جاس اقىندار اراسىندا رەسپۋبليكالىق «كۇمىس دومبىرا» ايتىسى مەن «كۇمىس قالام» پوەزيالىق كەشى وتەدى.
ەرەجەگە سايكەس اتالمىش بايقاۋعا رەسپۋبليكانىڭ 14 پەن 29 جاسقا دەيىنگى 30 ايتىسكەر مەن 30 جازبا اقىنى قاتىسۋعا نيەت بىلدىرگەن. وسى رەتتە ناتيجە بويىنشا 16 ايتىسكەر جانە 20 جازبا اقىن ىرىكتەلدى. ايتىسكەرلەر وسى جىلدىڭ 6 قازان كۇنى، ال جازبا اقىندار 5 قازان كۇنى وتەتىن دودادا باق سىنايدى، – دەدى ەرلان سادىربايۇلى. سپيكەردىڭ سوزىنشە، ايتىستىڭ ءبىرىنشى كەزەڭىندە (تۇسكە دەيىن) 16 اقىن ءبىر-بىرىمەن جۇپتاسادى. بۇل رەتتە 8 جۇپ 20-25 مينۋت كولەمىندە ايتىسادى. قازىلار القاسىنىڭ شەشىمىمەن فينالعا 8 نەمەسە 6 ايتىسكەر جولداما الادى. ال فينالدا (تۇستەن كەيىن) جالپى 4 نەمەسە 3 جۇپ 15 مينۋت كولەمىندە ايتىسىپ، جەڭىمپاز انىقتالادى. بريفينگ بارىسىندا اقىن، «دارىن» سىيلىعىنىڭ يەگەرى ءبىرجان بايتۋوۆ «كۇمىس دومبىرا» ايتىسى مەن «كۇمىس قالام» پوەزيالىق كەشىنىڭ ەرەكشەلىگىنە توقتالدى. – بايقاۋدىڭ ەرەكشەلىگى – قاتىسۋشىلار وڭتۇستىك تۋرالى 1 ولەڭ وقۋعا ءتيىس. ياعني وڭىرىمىزگە ارنالاتىن ولەڭدەردىڭ قاتارى كوبەيەدى. سونداي-اق، ايتىس ناتيجەسى بويىنشا 16 اقىننىڭ ىشىنەن وزا شاپقان جەڭىمپاز كۇمىستەن جاسالعان دومبىراعا جانە باعالى سىيلىققا يە بولادى، – دەدى ءبىرجان عانيۇلى. سونىمەن قاتار، پوەزيالىق كەش 4 كەزەڭنەن تۇرادى. ءبىرىنشى كەزەڭدە 20 اقىن ءبىر-ءبىر ولەڭنەن وقيدى. شيرەك فينالدىق كەزەڭگە 12 اقىن جولداما الادى. ياعني، 6 جۇپ ونەر كەرسەتىپ، ءار اقىن 2 ولەڭنەن وقيدى. جەڭىمپازدارعا جارتىلاي فينالعا جولداما بەرىلىپ، 3 (6 اقىن) جۇپ ونەر كورسەتەدى. ءار اقىن 3 ولەڭنەن وقيدى. جەڭىمپاز اتانعان 2 اقىن فينالدا جولىعادى. ال قالعان 4-ەۋى ادەبي سىيلىقتىڭ لاۋرەاتى اتانادى. سونداي اق فينالدىق كەزەڭدەگى ەكى اقىن 5 ولەڭنەن وقيدى. فينالدىڭ جەڭىمپازى «كۇمىس قالام» يەسى، ال فيناليست ءبىر اقىن ادەبي سىيلىقتىڭ لاۋرەاتى اتانادى. ايتا كەتەيىك، بايقاۋدىڭ نەگىزگى ماقساتى - جاس تالانتتار مەن وقىرمانداردىڭ، ادەبيەتتەگى اعا بۋىن مەن جاس تولقىننىڭ پىكىرلەس ورتا تابۋىنا ارقاۋ بولۋ جانە ولاردىڭ ونەرگە دەگەن قۇشتارلىعىن ارتتىرۋ.
