شىمكەنت قالاسىنداعى ءال-فارابي اۋدانىنا ۇلتتىق حالىق ساناعىن جۇرگىزۋ ناۋقانىندا ۇلكەن جاۋاپكەرشىلىك ارتىلىپ وتىر. سەبەبى اۋدان حالىق تىعىز ورنالاسقان، ادام اعىنى كوپ قالانىڭ ورتالىعى بولىپ تابىلادى. تۇرعىنداردىڭ ۇلتتىق ساناققا دەگەن بەلسەندىلىگىن ارتتىرۋ ماقساتىندا اۋدان اۋماعىندا دىبىستىق حابارلاما ۇيىمداستىرىلدى. ارنايى كولىك دابىل دىبىسىمەن ازاماتتاردى ساناقتان وتۋگە شاقىردى.
قازىر ۇلتتىق ساناقتىڭ ەكىنشى كەزەڭىنە سايكەس ازاماتتار ونلاين فورماتتا ساناقتان ءوتىپ جاتىر، ياعني قالا تۇرعىندارى 1 قىركۇيەكتەن 15 قازانعا دەيىنگى ارالىقتا ارنايى https://sanaq.gov.kz/ سايتىنا كىرىپ، ساۋالناماعا جاۋاپ بەرۋ ارقىلى ساناقتان ونلاين رەجيمدە وتە الادى. سايت تاۋلىك بويى جۇمىس ىستەيدى. رەسپوندەنت ساناققا قاتىسۋى ءۇشىن وزىنە ىڭعايلى ۋاقىتتى تاڭداۋىنا بولادى، سونداي-اق سايتتا بلانك تولتىرۋدى توقتاتىپ، كەيىننەن جالعاستىرۋ مۇمكىندىگى دە قاراستىرىلدى.
ونلاين ساناققا قاتىسا الماعاندار قازان 1-30 قازان ارالىعىندا ينتەرۆيۋەرلەردىڭ سۇراقتارىنا جاۋاپ بەرە الادى. بۇل كەزەڭنىڭ جاڭالىعى – ينتەرۆيۋەرلەر ءۇي ارالاۋ كەزىندە ەلەكتروندى پلانشەت قولدانادى.
بۇگىندە ءال-فارابي اۋدانىنداعى نىسانداردى تولىق قامتۋ ءۇشىن 29 ۋچاسكەگە ءبولىنىپ، 265 نۇسقاۋشى-باقىلاۋشى جانە 186 ينتەرۆيۋەر جۇمىس اتقارۋدا.
بارشا ازاماتتاردى ساناقتا بەلسەندىلىك تانىتۋعا شاقىرامىز. قازاقستاندا اركىم ماڭىزدى.
شىمكەنت قالاسى اكىمدىگىنىڭ ءباسپاسوز قىزمەتى
