ۇلتشىل قوزعالىس پارتياسىنىڭ (ۇقك) جەتەكشىسى دەۆلەت باحچەلي تۇركيا پرەزيدەنتى رەجەپ تايىپ ەردوعانعا رەسەيدىڭ 20-عا جۋىق ايماعىن قامتيتىن «تۇركى الەمىنىڭ» كارتاسىن سىيعا تارتتى. پارتيانىڭ Facebook-تەگى رەسمي پاراقشاسىندا ەكى ساياساتكەردىڭ سىيلىقپەن تۇسكەن سۋرەتى جاريالاندى، دەپ حابارلايدى “ادىرنا” ۇلتتىق پورتالى.
باحچەليدىڭ ايتۋىنشا، «تۇركى الەمىنە» رەسەيدىڭ وڭتۇستىك ايماقتارى – قىرىم، كۋبان، روستوۆ وبلىسى جانە سولتۇستىك كاۆكاز رەسپۋبليكالارى، شىعىس ءسىبىر كىرەدى.
كارتادا باسقا دا بىرقاتار ەلدەر كورسەتىلگەن. اتاپ ايتقاندا، تۇركيا، ءازىربايجان، وزبەكستان، قازاقستان جانە تۇركىمەنستان اۋماقتارى قىزىل تۇسپەن بەلگىلەنگەن. بالقان جانە قىتايدىڭ سولتۇستىك-باتىسىنداعى شىڭجاڭ-ۇيعىر اۆتونوميالىق ايماعىنىڭ بولىكتەرى سارى تۇسپەن كورسەتىلگەن.
ەردوعان دا، باحچەلي دە كارتاعا قاتىستى مالىمدەمە جاساعان جوق.
شىلدە ايىندا قىرىم تاتارلارىنىڭ ايماقتىق ۇلتتىق-مادەني اۆتونومياسىنىڭ باسشىسى ەيۆاز ۋمەروۆ تۇركيانى ءوز ساياساتىندا دايەكتى بولۋعا، قىرىمدى رەسەيدىڭ ءبىر بولىگى دەپ تانۋعا شاقىرعان.
“ادىرنا” ۇلتتىق پورتالى
