Ultshyl qozǵalys partııasynyń (UQK) jetekshisi Devlet Bahchelı Túrkııa prezıdenti Rejep Taıyp Erdoǵanǵa Reseıdiń 20-ǵa jýyq aımaǵyn qamtıtyn «Túrki áleminiń» kartasyn syıǵa tartty. Partııanyń Facebook-tegi resmı paraqshasynda eki saıasatkerdiń syılyqpen túsken sýreti jarııalandy, dep habarlaıdy “Adyrna” ulttyq portaly.
Bahchelıdiń aıtýynsha, «túrki álemine» Reseıdiń ońtústik aımaqtary – Qyrym, Kýban, Rostov oblysy jáne Soltústik Kavkaz respýblıkalary, Shyǵys Sibir kiredi.
Kartada basqa da birqatar elder kórsetilgen. Atap aıtqanda, Túrkııa, Ázirbaıjan, Ózbekstan, Qazaqstan jáne Túrkimenstan aýmaqtary qyzyl túspen belgilengen. Balqan jáne Qytaıdyń soltústik-batysyndaǵy Shyńjań-Uıǵyr avtonomııalyq aımaǵynyń bólikteri sary túspen kórsetilgen.
Erdoǵan da, Bahchelı de kartaǵa qatysty málimdeme jasaǵan joq.
Shilde aıynda Qyrym tatarlarynyń aımaqtyq ulttyq-mádenı avtonomııasynyń basshysy Eıvaz Ýmerov Túrkııany óz saıasatynda dáıekti bolýǵa, Qyrymdy Reseıdiń bir bóligi dep tanýǵa shaqyrǵan.
“Adyrna” ulttyq portaly
